11,879 total reads
Hinikayat ni Pope Leo XIV ang mga mananampalataya na pangalagaan ang kalikasan at gawing kapaki-pakinabang sa buhay ang mga bagay na dating ginagamit sa pagsira.
Sa kanyang Misa sa Laudato Si’ Village sa Castel Gandolfo nitong Setyembre 1, sinabi ng Santo Papa na hindi pa huli ang lahat upang baguhin ang paraan ng pakikitungo ng tao sa kalikasan.
“As we become conscious of our shortcomings and failures, we can renew our commitment to restoring the relationships among all creatures according to the will of their Creator,” ayon kay Pope Leo.
Binigyang-diin ng Santo Papa na ang pangangalaga sa kalikasan ay bahagi ng pagbabagong pangkapaligiran at pananagutan ng bawat tao.
Hinikayat din ni Pope Leo ang mga mananampalataya na huminto sandali sa abalang buhay at pakinggan ang kagandahan ng nilikha bilang paalala ng presensya ng Diyos.
“It is not yet too late,” ayon pa sa pinunong pastol ng simbahan.
Dagdag pa ni Pope Leo IV, “What has been used for destruction can be redirected toward life,” he said, “toward the care of the poor, the nourishment of the hungry, and the safeguarding of creation.”
Ayon sa Pope, ang tunay na malasakit sa kalikasan ay dapat humantong sa pagbabago ng pamumuhay at mas malaking malasakit sa mahihirap at mga nagugutom.
Nanawagan din ang pinunong pastol ng mas malawak na pagkakapatiran at pagkakaisa, kasabay ng pangangalaga sa mundo na ipinagkatiwala sa sangkatauhan.
Ang Misa ay bahagi ng World Day of Prayer for the Care of Creation at pagsisimula ng limang linggong Season of Creation, na magtatapos sa Oktubre 4, kapistahan ni San Francisco ng Assisi.
