826 total reads
Patuloy ang pagbuti ng kalagayan ni Pope Leo XIV matapos ang operasyon sa kanyang kanang baga, batay sa pinakahuling pagsusuri ng kanyang mga doktor sa Gemelli Hospital sa Rome.
Sa ulat ng Vatican nitong Huwebes, nagpakita ng magandang paghilom ang bahagi ng baga ng Santo Papa na inoperahan, batay sa resulta ng chest X-ray.
“This morning, the Holy Father underwent routine checks, which yielded normal results. The chest X-ray showed good recovery of the lung that underwent surgery,” ayon sa mga doktor ng Santo Papa na sina Dr. Luigi Carbone and Prof. Stefano Margaritora.
Nakakakilos na rin nang mag-isa si Pope Leo at nakapagsagawa ng iba’t ibang pisikal na gawain bilang bahagi ng kanyang rehabilitasyon.
Sa kabila ng pananatili sa ospital, ipinagpatuloy din ng Santo Papa ang ilan sa kanyang mga tungkulin.
“Overall, his postoperative recovery is progressing normally,” ayon pa sa kaniyang mga mangggagamot.
Nakipagdiwang si Pope Leo ng Misa sa isang silid na inihanda para sa kanya sa ika-10 palapag ng ospital, at nakipagpulong din kay Substitute for General Affairs Archbishop Paolo Rudelli, ona namamahala sa pangkalahatang mga usapin ng Simbahan.
Ayon sa medical team ng Santo Papa, maganda ang pag-usad ng paggaling ng Santo Papa sa ikatlong araw ng kanyang pananatili sa ospital.
