103,169 total reads
Kapag palpak ang pagpapatakbo ng gobyerno at ahensiya nito sa isang public services., dahil sa kakulangan ng kakayahan., korapsyon… ang solusyon, (privatization)… isapribado ito.
Noon pang 1990’s nagsimulang maging agresibo ang pamahalaan ng Pilipinas sa pagsasapribado ng mga serbisyong pag-aari ng gobyerno sa pagsasabatas ng Republic Act 6957 o BOT law(Build Operate Transfer at Build and Transfer).,Inamyendahan ng RA 7718 ang RA 6957 at nakilala ang Build Own and Operate gayundin ang Build Lease and Transfer. Sa kasalukuyan ito ay tinatawag na Private-Public Partnerships(PPP). Bakit gustong-gusto ng pamahalaan ang privatization? Ang record ng success at failure ng mga nakaraang pangulo ng Pilipinas sa privatization ay 50-50.
Kapanalig, ang privatization ay tinatawag na Structural Adjustment Policy (SAP). Ang SAP ay kondisyon na ini-impose ng International Monetary Fund(IMF), World Bank(WB) at Asian Development Bank (ADB) sa mga developing countries para makapangutang o makapag-loan.
Ibig sabihin Kapanalig, kapag ang gobyerno ng isang mahirap na bansa tulad ng Pilipinas ay hindi magpatupad ng privatization program, hindi ito makapangutang sa IMF,WB at ADB para pondohan ang mga proyekto nito. Kaya naman pala!
Unang sinimulan ng dating Pangulong Corazon Aquino ang privatization program sa pagbibenta ng Non Performing Assets, mga government owned and controlled corporations, government owned financiual institutions ng gobyerno ng Pilipinas na sinasabing kontrolado ng pinatalsik na dating pangulong Marcos.
Unang palpak sa privatization program ng Pilipinas ang EPIRA law, na naging daan para ibenta ang National Power Corporation(NAPOCOR), layon nitong basagin ang monopolya sa power distribution at bumaba ang presyo ng elektrisidad na lalong tumaas dahil kontrolado naman ng MERALCO. Naging palpak din ang privatization ng Philippine Orthopedic Center kung saan limitado ang ibinibigay na serbisyo sa mga indigent o mahihirap na pasyente. Noong 1997, isinangkalan ng Ramos administration ang krisis sa tubig upang isapribado ang Metropolitan Waterworks and Severage System(MWSS).Ang resulta Kapanalig, tumaas ang singil ng tubig., hindi lang triple ang kinita ng Manila Water at Maynilad.
Ang Ninoy Aquino International Airport ay naibenta ng pamahalaan ng 170.6-bilyong piso. Nasaan ang pera, saan ito ginamit? Ito ang madalas na problema sa privatization program., walang transparency, walang accountability.
Sa kasalukuyan, nagmamadali ang Department of Transportation (DOTr) sa pagsasapribado ng Light Rail Transit Line 2(LRT-2) at Metro Rail Transit Line 3 (MTR-3) gayundi ang EDSA Bus Line.
Tulad ng inaasahan, palpak ang pagpapatakbo ng DOTr… magiging efficient daw ang serbisyo ng mga ito kung hawak na ng pribadong sektor… Pero noong pang 2010, nagbabala ang isang transportation consultant sa Economic Journalist Association of the Philippines Forum na kabilang ang LRT-2 at MTR-3 sa PPP project na “designed to fail”.
Kapanalig, sa bawat palpak na proyekto ng gobyerno., ang karaniwang mamamayan ang laging apektado, ito ang pumapasan sa mga kamalian, sa nalustay na kaban ng bayan.
Para kay Pope Leo XIII sa kanyang encyclical na Rerum Novarum, ang social justice ay“the norms of the common good” by which “one class is forbidden to exclude the other from sharing in the benefits”
Sumainyo ang katotohanan.
