565 total reads
Kinilala ni Vice President Leni Robredo ang mga programa ng Simbahang Katolika para sa mga mahihirap at nangangailangan.
Sa isinasagawang 38th National General Assembly o NASAGA 2016 ng CBCP-NASSA/Caritas Philippines, sinabi ni VP Robredo na sila mismo ng kanyang yumaong asawa na si Former DILG Secretary Jesse Robredo ay saksi sa masigasig na pagkilos na ginagawa ng Social Action Center ng Simbahan matapos itong makipagtulungan sa kanila sa mga programa para sa mga mahihirap sa Naga.
“When my husband first became Mayor in 1988, hindi po niya kakampi ang mga konsehal niya kaya lumapit siya sa Archbishop ng Caceres and the archbishop assigned the Social Action head para tulungan ang asawa ko. Nag-decide po sila na bumuo ng People’s Council kasi yun City council against sa asawa ko sila po nag-spearhead ng People’s Council,”pahayag ni Robredo sa Radio Veritas.
Umaasa si Robredo na sa pamamagitan ng patuloy na ugnayan ng kanyang tanggapan at mga kinatawan ng Simbahang Katolika ay magkakaroon ng ibayong pagtutulungan ang dalawang sektor sa iba’t-ibang programa na para sa mga mahihirap.
Inihayag ni Robredo na nakipagpulong siya kay CBCP President at Lingayen-Dagupan Archbishop Socrates Villegas kung saan inihayag nito ang pagsuporta ng Simbahan sa mga programang para sa ikakabuti ng mga komunidad.
“Last Monday we had a meeting with Archbishop Soc and we discussed how we can again revived the partnership between the government, the private sector and the Catholic Church and fortunately Archbishop Soc representing CBCP said that the Catholic Church will be very glad to take on being a partner of the government in practice a very good community rehabilitation program.”pahayag ni VP Robredo.
Magugunitang ang NASAGA ay ginaganap kada ika-2 taon kung saan nagsasama-sama ang mga Social Action Directors and volunteers ng Simbahan mula sa 85 diyosesis sa bansa.(Rowel Garcia)
