726 total views
Kailangan ang maayos na ugnayan sa pagitan ng mga opisyal sa pamahalaan at simbahang katolika upang matugunan ang mga suliranin sa sektor ng agrikultura.
Ito ang inaasahan ni Agri-Partylist Representive Wilbert Lee na mapatatag sa paglulunsad ng Caritas Philippines ng Simbayanihan Movements.
“Through Agri and Simbayanihan hopefully because I’ve told my group itong mga programang nato we will be the conduit or facilitator to have those need access to these,” ayon sa panayam ng Radio Veritas kay Congresman Lee.
Ayon sa mambabatas, mareresolba ang mga pangangailangan ng sektor ng agrikultura sa aktibong pakikilahok ng simbahan na kasing laki ng pamahalaan na saklaw ang bawat lalawigan sa bansa.
Sinabi ng mambabatas na sa tulong ng Simbayanihan Movement at mga Social Action Centers sa bawat diyosesis ay higit na mabibigyan pansin ang pangangailangan ng agrikultura at matugunan ang kahirapang dinaranas ng mga magsasaka.
“Hanggang po don sa kadulo-duluhan sa ibaba, sa baranggay levels mayroong pong organisasyon yung simbahan, so just imagine if we will be able to course through the simbayanihan, or the church organization. I’d like to say at this point yung mga pondo po na kailangan atin pong mga nasa dulo, pwede po nating ma-procure,” pahayag ni Lee sa Radio Veritas.
Pangunahing adbokasiya ng Simbayanihan ang isulong ang mabuting pamamahala ng mga opisyal sa pamahalaan sa tulong ng impluwensiya o opinyon na maaring iparating ng mga magiging bahagi inisyatibo.
