WACOM 4 delegates, inaasahang maging daluyan ng awa sa kapwa

 368 total views

Hinimok ni World Apostolic Congress on Mercy Episcopal Coordinator at Balanga Bataan Bishop Ruperto Santos ang nasa anim na libong lokal at international delegates na nakiisa sa pagtitipon na maging daluyan ng awa sa kapwa.

Ayon kay Bishop Santos, maisabuhay nawa ng mga delegado ang mga naging mensahe ng ika – 4 na WACOM na ginanap sa bansa upang sa gayon ay maging buhay na saksi nito sa buong mundo.

“Tayo naman ngayon ang maging awa sa ating kapwa na yung awa na ating napakinggan ay gawin nating pang – unawa sa ating kapwa. Tanggapin natin sila at gumawa tayo ng kabutihan ngayon ay ipalaganap natin ang awa ng Diyos at tayo ay maging awa ng Diyos sa ating kapwa,” bahagi ng pahayag ni Bishop Santos sa panayam ng Radyo Veritas.

Pinasalamatan rin ng chairman ng CBCP –Episcopal Commission on Migrants and Itinerant People ang mga Overseas Filipino Workers na nakiisa sa ibat-ibang pamamaraan at sumubaybay sa pagdaraos ng WACOM4.

Nangako rin si Bishop Santos sa mga OFWs na patuloy itong magpapadala ng mga misyonerong pari na maglilingkod sa kanilang pangangailangang espiritwal.

“Sa ating nakiisa na mga OFWs na nakinig at nanuod ito ay tanda na kung saan kayo ay aming kasama sa panalangin at kami ay nanalangin sa inyo kahit hindi kayo nakapunta ang aming iniisip ay ang inyong kapakanan at magpapadala kami ng pari upang kayo ay subaybayan. Kayo ay nasa aming puso at mga isip palagi ng Simbahan upang kayo ay subaybayan nito na tayo ay gumawa ng paraan upang kayo ay padalhan ng pari.” pahayag pa ni Bishop Santos sa Veritas Patrol.

Inihayag ni CBCP Episcopal Commission on the Laity chairman Manila Auxiliary Bishop Broderick Pabillo na isang malaking hamon ng WACOM 4 na madama ang habag sa sarili at kapwa.

See: