394 total views
Pinaalalahanan ng Commission on Elections ang lahat ng mga first time (1st) voters na samantalahin ang pagkakataon para magparehistro.
Ayon kay Comelec spokesperson James Jimenez, ang voters registration ay nagsimula July 2 hanggang September 29 o 90-araw na isasagawa sa Luzon, Visayas at Mindanao maliban lamang sa Marawi.
Paglilinaw ni Jimenez, halos lahat ng mga residente sa Marawi na lumikas ay maaring magparehistro kung saan man sila kasalukuyang nanunuluyan.
“Wala namang residente ang Marawi ngayon, not any significant number dahil on-going ang reconstruction. Most of the residents ay naka-relocate. Kaya maari silang magpa-transfer kung saan sila na-relocate,” ayon kay Jimenez.
Sa mga nais na magparehistro kailangang na magdala ng kanilang identification card, proof of billing at iba pang katunayan ng kanilang pagiging residente sa lugar para sa first time voters, application of transfer maging ang magsusumite ng change status.
Sa nakalipas na halalan, may 54 na milyong ang kabubuuang bilang ng mga registered voters.
Una na ring inihayag ng Catholic Bishops Conference of the Philippines (CBCP) na hindi dapat balewalain ang pagboto na isang karapatan ng mamamayan, at ang unang hakbang nito ay sa pamamagitan ng pagpaparehistro.
