First Things First & Homilies, Latest Blog

Homily November 24, 2024

November 24, 2024
7:00 am

Most Rev. Broderick Pabillo, D.D.

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

Metrobank Savings Account No.: 076-3-076270210
Banco De Oro Savings Account No.: 001-630011876
BPI Savings Account No.: 0213-3251-91
PNB – Savings account No.: 105-910-013-091

35,526 total views

Solemnity of our Lord Jesus, King of the Universe
Dan 7:13-14 Rev 1:5-8 Jn 18:33-37

Ngayon na ang huling Linggo ng taon ng Simbahan. Sa susunod na Linggo, December 1, magsisimula na tayo ng bagong taon sa taon ng simbahan na tinatawag nating Liturgical Year. Ang Huling Linggo ay nagpapaalaala sa atin ng wakas ng panahon. Magwawakas ang mundo pero hindi natin ito kinatatakutan kasi sa wakas ng panahon mahahayag na ang kadakilaan ni Jesus. Makikilala na siya ng lahat na hari, siya ang hari ng mga hari, na ang ibig sabihin, ang pinakadakilang hari. Mga kapatid, hari si Jesus, pero kakaiba ang paghahari niya, kaya hindi siya madaling makilala ng maraming tao bilang hari. Ito ang sinabi niya kay Pilato noong siya ay hinuhusgahan nito. Sa tanong: “Ikaw ba ay hari ng mga Hudyo?” ang sagot ni Jesus ay: “Ang paghahari ko ay hindi sa sanlibutang ito.” Tama ang conclusion ni Pilato: “Kung gayon, isa kang hari.” Kaya, hari nga si Jesus.

Pero may malaking pagkakaiba ang paghahari niya. Hindi nga ito tulad ng paghahari sa mundong ito. Sa mundong ito ipinagtatanggol ng mga tauhan ang kanilang hari. Namamatay ang mga tao para sa kanilang hari. Hindi ganyan si Jesus bilang hari. Siya pa ang namatay upang tayo ay mabuhay. Ang mga hari sa mundong ito ay siyang sinusunod. Ang mga salita niya, kahit mali, ay sinusunod. Binabale-wala ng mga hari ang katotohanan, basta lang masunod ang gusto nila. Hindi ba nangyayari din iyan sa ating panahon? Maraming kasinungalingan ang sinasabi ng mga president at dakilang tao sa pamahalaan at hindi naman sila pinanagot sa mga kasinungalingang iyon. Maliwanag na sinabi ni Jesus na ang dahilan bakit siya ipinanganak at naparito sa sanlibutan ay upang magsalita tungkol sa katotohanan. Hindi ang gusto niya ang mahalaga. Ang mahalaga ay ang katotohanan, kaya ang nagpapailalim sa katotohanan ay nakikinig sa kanyang tinig. Ang trono ng haring ito ay ang krus at ang korona niya ay ang koronang tinik. Talagang kakaiba ang haring ito.

Ngunit sa wakas ng panahon titingalain siya ng lahat, pati na ng sumibat sa kanyang tagiliran. Darating muli ang haring ito ng buong kapangyarihan at kaluwalhatian. Kikilalanin siya na Alpha at Omega. Ang alpha ay ang unang letra ng Greek Alphabet at ang Omega ay ang huling letra. Siya ang Alpha at Omega, ang simula at ang wakas ng lahat. Ang lahat ay nilikha ng Diyos Ama dahil sa kanya at sa wakas ang lahat ay mapapasailalim sa kanya.

Ang dakilang paghahari ni Jesus ay nakinita na ni propeta Daniel. Darating ang isa na tila tao, na anak ng tao, at lalapit siya sa nakaupo sa Trono at bibigyan siya nito ng kapamahalaan, karangalan at kapangyarihan at paglilingkuran siya ng lahat ng tao, lahat ng bansa at lahat ng wika. Mamamahala siya sa lahat at ang hindi na magtatapos ang kanyang paghahari. Ang katuparan ng pangitaing ito ni Daniel na ating napakinggan sa unang pagbasa ay si Jesus, kaya ang paboritong tawag ni Jesus sa kanyang sarili ay ANAK NG TAO. Maaaring magkaroon ng dalawang kahulugan ang tawag na ito. Para sa marami na mababaw lang ang paniniwala, ang ibig sabihin ng Anak ng Tao ay ordinaryong tao. Ito ay nagpapahiwatig ng karupukan ng buhay ng tao. Mahina siya at madaling mamatay. Pero sa mga may alam kay propeta Daniel at may pananampalataya, ang Anak ng Tao ay isang title ng isang binigyan ng Diyos ng buong kapangyarihan. Walang hanggan ang paghahari niya. Totoo naman kay Jesus ang dalawang kahulugan nito. Siya ay ordinaryong tao lang at namatay nga siya sa krus, pero siya ay mabubuhay muli at babalik muli na puno ng kadakilaan magpakailanman. Ang Jesus na sinasamba natin na maliit na bata sa Santo Nino, ang Jesus na nakadapa sa Poong Nazareno na nagbubuhat ng kanyang Krus, ang Jesus na nakapako sa krus, at ang Jesus na hawak hawak ni Maria ang kanyang bangkay na wala nang buhay, ay siya ring Jesus na pinupugayan natin ngayon na isang magiting na hari na may koronang ginto at nakasuot ng malaharing damit. Ito ay ang Jesus na mananatili, at inaasahan nating mapasama sa kanya sa kanyang kaharian magpakailanman.

Kung ibig nating maging kasama ng dakilang haring ito sa wakas ng panahon, samahan na natin siya ngayon. Magpailalim tayo palagi sa katotohanan. Huwag lang natin tanggapin ang katotohanan, mamuhay tayo ng totoo at hindi nagkukunwari. Tanggapin natin at paglingkuran ang mga mahal niya sa buhay – ang mga mahihirap. Ano ang ginagawa natin o hindi natin ginagawa sa kanila ay ginagawa o hindi natin ginagawa kay Jesus. Mahalin na natin siya ngayon at sinabi niya na ang nagmamahal sa kanya ay sumusunod sa kanyang mga utos. Tulad niya na ang paghahari niya ay ang pinapakita sa service, maglingkod din tayo sa ating communities at sa ating kriska. Para sa ating mga kristiyano ang paglilingkod ay ang pagsasabuhay ng pagiging hari.

Dinadakila ka namin Panginoong Jesus. Maghari ka sa amin ngayon at magpasawalang hanggan.

Samar Bishops, nanindigan laban sa mining operation sa Eastern Samar

Michael Añonuevo Saturday, July 25, 2026 10:44 am

2,939 total views

Nagkaisa ang tatlong obispo ng Samar Island sa pagsuporta sa panawagan ng Diocese of Borongan na tutulan ang mga aktibidad ng pagmimina sa Eastern Samar sa pamamagitan ng pagpapatibay ng mga resolusyon ng mga lokal na pamahalaan.

Sa inilabas na Letter of Endorsement, buong pusong inendorso ng Samar Island Partnership for Peace and Development (SIPPAD) ang pastoral position statement ng Diocese of Borongan na nananawagan sa mga Municipal at Barangay Council ng Giporlos at Balangiga na tutulan ang pagmimina sa kanilang mga nasasakupan.

Ayon sa SIPPAD, ilang dekada nang nasasaksihan ng mga mamamayan ng Samar ang pangmatagalang epekto ng pagmimina sa kalikasan, kabuhayan, at mga pamayanan.

“The experiences of Homonhon, Manicani, and other areas where mining has been undertaken or proposed remind us that decisions regarding our natural resources have lasting consequences for ecological integrity, food security, and the well-being of present and future generations,” ayon sa SIPPAD.

Binigyang-diin ng grupo na patuloy na dumarami ang mga exploration permit at interes sa pagmimina sa mainland Samar kaya kinakailangan ang mapanuring pakikilahok ng publiko at responsableng pamumuno ng mga lokal na opisyal.

Iginiit din ng SIPPAD na ang tunay na kaunlaran ay hindi lamang nasusukat sa kita kundi sa pangangalaga sa tao, kalikasan at katarungan.

“Development should never come at the expense of human dignity or the integrity of creation. True progress is measured not only by economic gains but also by the protection of communities, ecological sustainability, and peace founded on justice,” saad ng grupo.

Dahil dito, hinikayat ng SIPPAD ang mga municipal at barangay council sa buong Samar Island na gamitin ang kanilang kapangyarihan upang magpatibay ng mga patakarang mangangalaga sa kapaligiran at kapakanan ng mga mamamayan.

Nanawagan din ang grupo sa lahat ng sektor na magsulong ng isang uri ng kaunlarang magtitiyak ng malilinis na ilog, protektadong kagubatan, masaganang pangisdaan, produktibong sakahan, at ligtas na kinabukasan para sa susunod na henerasyon.

Ang liham ng pag-endorso ay nilagdaan nina Calbayog Bishop Isabelo Abarquez, Borongan Bishop Crispin Varquez, at Catarman Bishop Nolly Buco bilang pagpapakita ng pagkakaisa ng Simbahan sa pagsusulong ng pangangalaga sa kalikasan at kabutihang panlahat.

PCNE 2026 delegates, hinimok na palalamin ang pakikipagkaibigan kay Hesus

Jerry Maya Figarola Saturday, July 25, 2026 10:33 am

3,144 total views

Nanawagan ni San Fernando, La Union Bishop Daniel Presto ang mas malalim na pakikipagkaibigan kay Hesus bilang pundasyon ng sama-samang misyon ng Simbahan.

Ayon kay Bishop Presto – Chairman ng CBCP Commission on Evangelization and Catechesis, isinasabuhay ng tema ng PCNE ngayong taon na “SANGKÁY” o kaibigan ang paanyaya sa bawat mananampalataya na muling tuklasin ang tunay na pakikipagkaibigan kay Kristo bilang pinagmumulan ng makabuluhang ugnayan at pagkakaisa ng isang sinodal na Simbahan.

Dahil sa pamamagitan ng pakikinig, pag-akay, paghihikayat, at sama-samang paglalakbay sa pananampalataya nahuhubog ang mga disipulong handang tumugon sa misyon ng Simbahan.

“As we journey toward Evangelization 2033, the Great Jubilee of Redemption, may our gathering challenge each of us – bishops, priests, consecrated, lay leaders, and youth – as one Church to develop ourselves to be missionary disciples and move beyond maintaining our faith and friendship with Jesus to intentionally sharing it especially to those in the peripheries. We know that the Church needs missionary disciples who are willing to accompany others, proclaim the Gospel with joy, and form new friendships that lead people to a life-changing encounter with Jesus Christ,” ayon sa mensahe ni Bishop Presto para sa PCNE.

Hinamon din ng Obispo ang mga obispo, pari, mga konsekrado, layko, at kabataan na higit pang isabuhay ang kanilang bokasyon bilang mga misyonerong disipulo sa paglalakbay ng Simbahan patungo sa Evangelization 2033 at sa pagdiriwang ng Great Jubilee of Redemption.

Giit ni Bishop Presto, hindi sapat na mapanatili lamang ang pananampalataya, kundi kinakailangang ibahagi ito lalo na sa mga nasa laylayan ng lipunan upang maakay ang mas maraming tao sa personal na pakikipagtagpo kay Hesukristo.

” May PCNE XII continue to inspire us not only to deepen our friendship with Christ but also to become true friends in the mission—building communities of hope, making disciples, and bringing the love of Christ to every person, every family, and every corner of our nation,Together, let us be friends of Jesus, friends on mission, and joyful evangelizers preparing the way for Evangelization 2033,” ” bahagi pa ng mensahe ni Bishop Presto.

Umaasa si Bishop Presto na magsisilbing inspirasyon ang PCNE 2026 upang higit pang mapalalim ang pakikipagkaibigan kay Kristo at mahubog ang mga mananampalatayang magiging tunay na magkakaibigan sa misyon sa pamamagitan ng pagtatatag ng mga pamayanang puno ng pag-asa, paghuhubog ng mga disipulo, at pagpapalaganap ng pag-ibig ni Kristo sa bawat tao, pamilya, at pamayanan bilang paghahanda sa pagdiriwang ng Evangelization 2033.

Nasaan ang pangakong maginhawang buhay, katanungan ng inter-religious groups kay PBBM

Michael Añonuevo Friday, July 24, 2026 2:38 pm

26,184 total views

Nanawagan ang mga lider ng iba’t ibang pananampalataya sa pamahalaan na tugunan ang patuloy na kahirapan, korapsyon, at kawalan ng pananagutan habang naghahanda ang bansa sa ikalimang State of the Nation Address (SONA) ni Pangulong Ferdinand “Bongbong” Marcos Jr. sa Hulyo 27.

Sa nagkakaisang pahayag para sa SONA ng Sambayanan 2026, sinabi ng Inter-religious Leaders’ Council for National Transformation (IRLCNT) at White Ribbon Movement (WRM) na dapat suriin ang kalagayan ng bansa batay sa tunay na karanasan ng mga Pilipino, lalo na ng mga mahihirap na patuloy na humaharap sa mataas na presyo ng bilihin at kakulangan sa oportunidad.

Binigyang-diin ng grupo na bagama’t idineklara ang Pilipinas bilang upper middle income country, nananatili pa rin ang malaking bilang ng mga pamilyang nagsasabing sila ay mahirap.

Marami ring manggagawa ang nakararanas ng mababang sahod, kawalan ng seguridad sa trabaho, at paglabag sa karapatan sa paggawa.

“Nasaan na ang pangakong maginhawang buhay, ang Bagong Pilipinas para sa bawat Pilipino? Upper middle income country na raw tayo, pero sa pinakahuling Social Weather Stations (SWS) survey, 52% ng mga pamilyang Pilipino ang nagsasabing sila’y mahirap,” pahayag ng grupo.

Ayon sa religious leaders na pinangungunahan nina Kidapawan Bishop Jose Colin Bagaforo, chairperson ng IRLCNT, at Bishop Efraim Tendero, Global Ambassador ng World Evangelical Alliance, nananatiling malaking hamon ang kalagayan ng mga magsasaka, lumalaking utang ng bansa, at kakulangan sa batayang serbisyo.

Iginiit din ng grupo na kailangang tugunan ang patuloy na banta sa mga pamayanan at kalikasan dulot ng ilang malalaking proyekto, lalo na ang mga nakaaapekto sa mga pamayanan at mga lupaing ninuno.

“Higit sa pagpapalit ng tao, kailangan ang makabuluhang pagbabago sa sistemang panlipunan. Kabilang sa aming panawagan ay ang nakabubuhay na sahod at sapat na kita, mababang buwis at presyo ng mga bilihin, de-kalidad na edukasyon, libreng serbisyong pangkalusugan, at murang pabahay,” ayon sa pahayag.

Nanawagan din ang IRLCNT at White Ribbon Movement na papanagutin ang lahat ng sangkot sa mga alegasyon ng korapsyon, kabilang ang kontrobersiya sa flood control projects.

Iginiit ng grupo na dapat mabawi ang mga pondong nawala sa kaban ng bayan at ilaan sa mga serbisyong kailangan ng mamamayan tulad ng edukasyon, kalusugan, agrikultura, pabahay, at proteksyong panlipunan.

“Kasuhan at parusahan ang lahat ng korap at abusado sa gobyerno. Bawiin ang nakaw na yaman at unahin sa pambansang badyet ang kapakanan ng mamamayan,” dagdag ng grupo.

Bilang paghahanda sa SONA ng Sambayanan 2026, hinimok ng mga lider ng iba’t ibang pananampalataya ang publiko na makiisa sa panawagan para sa mas malalim na repormang panlipunan, kabilang ang pagpapatibay ng Anti-Dynasty Law, pagbabago sa sistema ng halalan, at pagbibigay-prayoridad sa kapakanan ng mamamayan higit sa interes ng iilang makapangyarihang grupo.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Rev. Fr. Anton CT Pascual

CONVERSION OF RELATIONSHIP

Friday, July 24, 2026 7:00 am 7:00 am

45,931 total views

45,931 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa

NASAAN ANG SIMBAHAN

Thursday, July 23, 2026 7:00 am 7:00 am

74,222 total views

74,222 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Upper-middle income na ang Pilipinas

Wednesday, July 22, 2026 7:00 am 7:00 am

120,153 total views

120,153 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na

Ibinasurang paraiso

Tuesday, July 21, 2026 7:00 am 7:00 am

153,236 total views

153,236 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura

Gaslighting

Monday, July 20, 2026 7:00 am 7:00 am

178,582 total views

178,582 total views Mga Kapanalig, narinig na ba ninyo ang salitang “gaslighting”? Ang gaslighting ay isang uri ng sikolohikal na manipulasyon kung saan ipinalalabas ng isang

Homily July 19, 2026

7,945 total views

7,945 total views 16th Sunday in Ordinary Time Wis 12:13. 16-19 Rom 8: 26-27 Mt 13:24-43 Sa pananaw ng mundo pinapakita ng tao na dahil siya’y

Sunday, July 19, 2026 7:00 am

Homily July 12, 2026

15,522 total views

15,522 total views 15th Sunday in Ordinary Time Is 55:10-11 Rom 8:18-23 Mt 13:1-23 Makapangyarihan ang simbahan. Tumagal siya ng higit na dalawang libong taon. Mula

Sunday, July 12, 2026 7:00 am

Homily July 5, 2026

26,127 total views

26,127 total views 14th Sunday in Ordinary Time Cycle A Zec 9:9-10 Rom 8:9.11-13 Mt 11:25-30 “Hindi na kayo namumuhay ayon sa laman kundi ayon sa

Sunday, July 5, 2026 7:00 am

Homily June 28, 2026

34,360 total views

34,360 total views 13th Sunday in Ordinary Time Cycle A St Peter’s Pence Sunday 2 Kgs 4:8-11.14-16 Rom 6:3-4. 8-11 Mt 10:37-42 Madaling sagutin ang tanong:

Sunday, June 28, 2026 7:00 am