20,150 total views
Pinaalalahanan ni Manila Archbishop Jose Cardinal Advincula ang mananampalataya na huwag katakutan ang mga pangyayari sa paligid bagkus ay magbuklod sa paglalakbay bilang kristiyanong pamayanan. Ito ang mensahe ng arsobispo sa Pasko ng Muling Pagkabuhay ng Panginoon kung saan tinuran nito ang iba’t ibang usaping nakakaapekto sa tao tulad ng usapin sa pulitika, ekonomiya, edukasyon, ang mabilis na pag-usbong ng teknolohiya gaya ng Artificial Intelligence, at ang laganap na fake news lalo na sa digital spaces.
Batid ni Cardinal Advincula na malaking hamon ang mga pangyayari sa paligid sa tao at sa pagiging kristiyano subalit nawa’y isaisapuso at isaisip ng bawat isa ang dakilang pagliligtas ng Diyos sa pamamagitan ng pagpapakasakit, pagkamatay at
muling pagkabuhay ni Hesus sa krus.
“Being shaken” should not terrify us. Being a “community of the shaken” can lead us to become a “community of synodality and solidarity.” We do not give in to panic or rage. We journey together with courage and patience. We stand firmly on our anchor and strong foundation. The Lord lives,” bahagi ng mensahe ni Cardinal Advincula.
Iginiit ni Cardinal Advincula na ang Muling Pagkabuhay ng Panginoon ang pag-asang inaasam ng lahat lalo na ang mga pinanghihinaan at nahaharap sa matinding pagsubok sa buhay. Binigyang diin ng arsobispo na ang pagtatagumpay ni Hesus sa krus ay tanda ng pagtatagumpay ng sangkatauhan mula sa kasalanan kaya’t nararapat na hindi mangangamba ang tao.
“The Risen Lord has conquered all. No trouble will overwhelm us. No trial will break us. We will never grow tired of proclaiming this most important message of our Christian faith: Christ is alive. He has overcome death. He walks with us
today. He brings light to our troubled lives. He takes away our fears of an unpredictable future. He guides us in our perilous journey in a volatile, uncertain, complex, and ambiguous world,” ani Cardinal Advincula.
Sa pagdiriwang ng simbahang katolika ng Taon ng Hubileyo na nakatuon sa temang ‘Pilgrims of Hope’ umaasa si Cardinal Advincula na ituon ng mananampalataya ang kanilang sarili kay Hesus na muling nabuhay sapagkat ito ang tunay na tanda
ng pag-asa ng sanlibutan. Pinangunahan ng cardinal ang Bihilya sa Muling Pagkabuhay ni Hesus sa Minor Basilica and Metropolitan Cathedral o Manila Cathedral kasama sina cathedral rector Msgr. Rolando dela Cruz, Fr. Vicente Gabriel Bautista at mga bisitang pari.
