112,808 total reads
Hindi lang panahon ng halalan pinag-uusapan ang ayuda., noon ang mga tumatakbong pulitiko lamang ang namimigay ng ayuda..sa tuwing may eleksyon lang naman.
Yung dating iligal na gawain ay ginawang legal ng Kongreso., sa halip na manggagaling sa bulsa ng isang pulitiko., ito ay magmumula na sa kaban ng bayan., sa pera ng taumbayan. Ang pamumudmod ng ayuda ay isinabatas na, tinagurian itong state-funded dole-outs.
Ang DOLE ay mayroong TUPAD program o Tulong Panghanapbuhay sa Ating Disadvantaged/Displaced Workers program. Mayroon namang sariling dole-outs program ang iba’t-ibang LGU’s., nariyan ang cash assistance, food subsidies, livelihood support, health assistance at educational assistance at marami pang iba.
Kilala ang dole-out program ng DSWD, ang kontrobersiyal na 4P’s program o sinasabing Pantawid Pamilyang Pilipino Program. Namamayagpag tuwing halalan si Senador Bong Go dahil sa kasikatan ng Malasakit Centers na isinabatas at ginawang one-stop shop para sa apat na ahensiya tulad ng PHILHEALTH, PCSO, DOH at DSWD. Ang mga indigent na humihingi ng tulong medical, akala nila kay Bong Go ang Malasakit centers. Sino pa ang hindi nakakaalam sa “Kadiwa ng Pangulo” program ng pangulong Marcos na nagbibigay daan sa mga mahihirap na Pilipino na makabili ng murang bigas.
Meron ding Social Amelioration Program(SAP)-cash aid sa mga apektado ng mahinang ekonomiya., Livelihood Seeding Program., Senior Citizens Program., Person With Dissabilities Assistance., Self-Employment Assistance Program. Napakarami pang ibang dole-out program ng pamahalaan, pinopondohan ang mga ito ng pera nating mga Pilipino. Nakakatulong ba, nakakarating ba sa mga lehitimong benepisaryo ang ayuda? Kapanalig, mukhang tagumpay ang mga dole-out program ng pamahalaan., nagsusulputan ang iba’t-ibang gimik at estilo ng ayuda. Di kaya’y isa lang itong “milking cow” program o gatasan ng mga opisyal ng pamahalaan?
Mayroong bagong panukala sa Kamara Kapanalig, ipinapanukala na bigyan ng buwanang allowance ang mga estudyante sa mga pampublikong paaralan ng isang libong piso(1,000) mula kindergarten hanggang kolehiyo para sa kanilang gastusin sa pagkain, transportasyon at school supplies. Ang sabi ng Malakanyang, teka muna! Saan kukunin ang pondo dito? O baka naman, mababawasan ang ibubulsa?
Mabuti ang layunin ng anumang dole-out program pansamantala., pero ito ay hindi na epektibo sa long term dahil lilikha ito ng maraming “Juan tamad”., paasa culture at ang nakakabahala, magiging ugat ito ng korapsyon.
Kapanalig, binibigyan-diin sa social teachings ng “Guadium et Spes at Compendium of the Social Doctrine of the Church na ang “every individual has inherent dignity, which should be respected and protected in all public service efforts.
Itinuturo ng Simbahan na ang “Public service should aim to promote the common good, ensuring that all members of society can thrive and access necessary resources.”
Kapanalig, sinasabi sa “2 Thessalonians 3:10: For even when we were with you, we gave you this rule: ‘The one who is unwilling to work shall not eat. At sa, Proverbs 10:4: “Lazy hands make for poverty, but diligent hands bring wealth.”
Sumainyo ang Katotohanan.
