Bawasan o alisan ng access ang mga menor de edad sa social media?
Sa isang pag-aaral, 95-porsiyento ng mga kabataang Pilipino na may edad 12 hanggang 17-taong gulang ay naka-online at 2-milyon sa mga ito ay expose sa online sexual abuse. Kapanalig, maaring kasama ang mga anak natin sa mga nahaharap sa banta ng cyberbullying, scams at sexual exploitation and harassment online. Paano ka kikilos Kapanalig? Ang katotohanan ay hindi lang nakakabahala maging trafficking online. Ito’y nakakatakot.
Ang survey ay ginawa lamang sa may edad na 12-17 taong gulang, hindi kasama dito ang 12-taong gulang hanggang 4-years old., exposed din sila., dahil ito ang paraan ng magulang para mapatahan ang nag-iiyak at nag-aalburutong anak. Ibig sabihin, ang problema ay mula mismo sa loob ng tahanan.
Kapanalig, ang online accessibility ng mga bata ay naging ugat ng hindi pagkakaunawaan at pag-aaway ng magulang at anak sa loob ng tahanan. Dahil naka-online, nawawala na ang kamustahan, pag-uusap at ang malala, hindi na nagkakaroon ng bonding sa pagitan ng magulang at mga anak. Dahil, busy si nanay, si tatay, si kuya, si ate sa pagko-comment sa social media., panonood., kadudutdot ng cellphone at computer. Wala ng kumikilos sa loob ng bahay… abala ang lahat.
Kapag hindi ito naagapan at hindi nakontrol, Kapanalig tataas ang kaso ng mental illness tulad ng anxiety at depresyon., ang nakakabahala, tataas din ang kaso ng suicides.
Dahil nagiging krisis na, iminumungkahi sa Senado ang “An Act Regulating the Use of Social Media Platforms by Minors,”. Kapag naging batas iba-ban ang sinumang may edad 18-taong gulang pababa na maka-access sa social media.
Makakalusot kaya ang panukala Kapanalig? Maraming aalma dito., Ngayon pa lang, binibigyang halaga daw ng 1987 constitution ang rights of children to child protection, and their right to participate in information”.
Hindi daw maaring ipatupad ang “total ban” sa mga menor-de-edad sa social media., dahil ginagamit ng mga Kabataan ang social media sa edukasyon at civic engagement.
Kung ayaw ng total ban, anong gagawin? Sinasabi ng mga eksperto na kailangang lang i-harmonize ang panukala sa mga ipinapatupad ng child protection laws. Nararapat ding maging “first line of defense” ang mga magulang. Malawakan ding isulong ng gobyerno ang “digital literacy” sa mga magulang at mga anak. May panawagan din sa mga media companies., itigil na ang paggamit sa Kabataan bilang online content para pagkakakitaan.
Kapanalig, ang problemang dulot ng social media na pinalala ng artificial intelligence (AI) ay mareresolba kung sama-sama ang lahat ng sektor sa iisang layunin na pigilan ang nagbabadyang “social media” crisis sa Pilipinas. Napapanahon ng limitahan ang access online hindi lamang ng mga Kabataan, isama na ang mga lahat!
Noong 2019, isinapubliko ng namayapang Pope Francis sa paggunita ng “Feast of the Annunciation” ang “CHRISTUS VIVIT”(Christ is Alive)-Apostolic Exhortation on Young People, the Faith and Vocational Discernment”. Nasasaad sa CV, 86 na “It is no longer merely a question of ‘using’ instruments of communication, but of living in a highly digitalized culture that has had a profound impact on ideas of time and space, on our self-understanding, our understanding of others and the world, and our ability to communicate, learn, be informed and enter into relationship with others”
Sumainyo ang Katotohana.
