151,466 total views
Senate President Francis Escudero., a master of heist? o isang magaling na hunyango?
Kapanalig, ang isang hunyango ay magaling magtango., eksperto sa pag-adopt sa alinmang kapaligiran, senaryo at mga bagay.
Ganito itinuturing ng mga kritiko si Senator Escudero nang mabunyag ang itinatago nitong katauhan sa pag-leak ng 103-pahinang dokumento ng maituturing na “Senate Heist 2025”.
Nagtagumpay ang pangulo ng Senado na mai-singit at mailusot ang tumataginting na 142.7-bilyong pisong budget insertions sa 2026 national budget ng Pilipinas. Ang masaklap, mag-ingay man ang mga kritiko,nilagdaan na ni PBBM ang pambansang budget.
Bago pa mabunyag sa publiko, nakalusot na si Escudero… Ang “heist” ay tinawag ng Senador na Legislative housekeeping., napakagaling di ba Kapanalig?
Nakita sa nabunyag na “map of treasure” ni Escudero… ang line item budget na 12-bilyong piso para sa lalawigan ng Bulacan na sinasabing probensiya ng loyalista nitong si Senador Joel Villanueva..12-bilyong piso naman para sa home-province nitong Sorsogon.. 7.2 bilyong piso for Davao, para kaya ito sa 2028 presidential dream ni Senador Bong Go? Bukod pa ang 3-bilyong piso na minarkahang “Projects for Bong Go”. 2.9 bilyong piso sa flood control projects., 3.6-bilyong piso para sa mga gusali., 2.3-bilyong piso para sa streetlights. Mayroong bang kalsada sa Pilipinas na nawawala at muling lilitaw? O kaya gold-plated bulbs ang gagamitin dito.
Kapanalig., gagastos si Escudero ng 4.4-bilyong piso sa mga itatayong multi-purpose halls sa Sorsogon.Lahat ng ito ay walang actual cost estimates, copy paste lahat., halos magkakapareho.
Gasgas na katwiran ang depensa, “nothing illegal”, sa sistemang politika ng Pilipinas, ang ethics at moralidad ay pangdekorasyon lamang., lantaran na ang kawalanghiyaan. Lantad na lantad sa Senado ang kabulastugan, pero dahil sa kickbacks…tameme ang lahat.
Sana, matustusan ng 142.7-bilyong pisong budget ang apat na taong libreng edukasyon sa kolehiyo ng 1.4-milyong estudyante., maging 10-milyong Philhealth premiums ng mga mahihirap na Pilipino. Sa halip, ginamit ito ni Escudero para pondohan ang political dynasties.
Kapanalig, isang betrayal o pagtraydor sa demokrasya ang ginawang monetization ni Escudero ng impeachment votes, pagnanakaw din sa pondong pagpapatayo ng mga silid-aralan, hospital bed, at flood barrier na makakaligtas sana sa isang pamayanan mula sa kalamidad.
Kapanalig, ang isang hunyango ay magaling magbalatkayo., walang kahihiyan, walang konsensiya, walang pakialam sa mga taong dapat sana ay pagsilbihan at paglingkuran. Basta, ikatwiran mo lang, nothing illegal. Bilang mga tao, ang kaya nating gawin ay ipagdasal na maging dalisay ang budhi ng kapwang nagkasala. Ang paghuhusga ay tanging sa panginoon lamang.
Alalahanin natin Kapanalig, ang “ 2 Corinthians 5:10 na sinasabing “For we must all appear before the judgment seat of Christ, so that each one may receive what is due for what he has done in the body, whether good or evil.”
Sinasabi din ng Timothy 4:1 “I charge you in the presence of God and of Christ Jesus, who is to judge the living and the dead, and by his appearing and his kingdom:”
Sumainyo ang Katotohanan.
