2,355 total reads
Sa pag diriwang ng Hubileo ng Pag-asa ngayong taon, sa buwan na ito ay itinalaga ang Hubileo ng Kabataan. Layunin nitong mas magkaroon ng pakikipag kapwa sa bawat kabataan sa iba’t ibang komunidad at sa kaninang pananampalatayang espiritwal, ang ganitong gawain ay isa sa magbibigay sa bawat kabataan na maniwala, magtiwala at umasa sa kanilang pananampalataya lalo’t higit sa Panginoon.
Ang pagkakaroon ng pagtitiwala at pag-asa sa bawat kabataan ay mag bubunga nang maayos at mapayapang mundo lalo sa ganitong panahon na punong-puno ng kaguluhan, kasinungalingan at kurapsyon sa ating Mundo.
Ayon kay Rev. Fr. Jover Domanico, Head team Ministry, Ministry for Youth Affairs ng Diocese of Cubao, “Alam niyo po, nakakatawa ang mga kabataan. Pag may kabataan na pumapasok sa simbahan, may pag-asa”.
Dagdag pa niya, “Pag may kabataan na nagdadasal, may pag-asa. Pag may kabataan, nalalapit sa Diyos, mayroong pag-asa”.
Ayon naman kay Bro. Daniel Butardo, ang Jubilee of Youth Diocesan Celebration Head ng Diocese of Cubao, “Para sa akin, with the celebration of the Jubilee of Youth, it helps us bilang mga kabataan na mas mapalalim pa ang aming pananampalataya kay Kristo sa Panginoon. With this activity, mas naramdaman namin na bahagi kami ng simbahan dahil na isang linggo na inilalaan para sa mga kabataan ng simbahan”.
Dagdag naman ni Rev. Fr. Gerald Moscardon, Team member, Ministry for Youth Affairs ng na sabing Diocese, “Continue sharing the joy to one another, the joy of the diocese. Be the hope of our Church, not in the future, but today.”
Tandaan na hindi lang basta kabataan ang pag-asa ng kinabukasan, ang mga kabataan ay hindi lamang para sa hinaharap. Ang kabataan ay isa ring instrumento para sa kasalukuyan, sila ay nagsisilbing biyaya upang magkaroon ng pag-asa sa panahon ngayon, nagbibigay buhay na sa bawat negatibong sitwasyon na nangyayari, may mga kapwa kabataan tayong hindi napapagod humanap ng solusyon at higit sa lahat ay manatili ang pag-asa sa kanilang mga puso.
