15,055 total views
Nanawagan si San Carlos Bishop Gerardo Alminaza na tiyakin ang ganap na katapatan, kalinawan, at pakikibahagi ng publiko sa anumang hakbang para baguhin ang Saligang Batas.
Ang mensahe ay kasunod ng mga panukala para sa Charter Change sa pamamagitan ng constitutional convention (ConCon) na iminungkahi kamakailan ni Antipolo Rep. Ronaldo Puno.
“We in the Church recognize that our Constitution is a covenant that expresses the values and aspirations of our people. Any proposal to amend it should be approached with great care, transparency, and genuine participation—especially from ordinary citizens whose lives it will affect most,” ayon kay Bishop Alminaza- ang kasalukuyang vice chairman ng Caritas Philippines-ang humanitarian at social arm ng Catholic Bishops Conference of the Philippines.
Binigyang-diin ng obispo na kung layunin ng pagbabago ay gawing mas malinaw at makatarungan ang batas, dapat malinaw at makatarungan din ang mismong proseso.
Ayon pa sa ipinadalang mensahe ng obispo, “That means avoiding hidden agendas, ensuring inclusive consultation, and safeguarding provisions that protect the poor, the vulnerable, and our democratic freedoms.”
Dagdag pa ng obispo, mas mahalaga kaysa sa pagbabago ng mga salita sa Konstitusyon ang paninindigan ng mga lider at mamamayan na isabuhay ito nang may integridad at malasakit sa kapakanan ng lahat.
“Ultimately, what matters most is not only the wording of the Constitution, but the commitment of leaders and citizens to live by it with integrity and service to the common good.”
Paglilinaw ni Bishop Alminaza na kung tunay na layunin ng Charter Change ay ang pagpapalinaw at pagpapakatarungan ng batas, dapat itong gawin nang may ganap na transparency, bukas na konsultasyon para sa lahat, at walang tinatagong agenda—upang matiyak na mapangalagaan ang mahihirap, ang mga naaapi, at ang mga kalayaan sa demokrasya.
