10,927 total reads
Itinalaga ni Pope Leo XIV si Jaro Archbishop Midyphil Billones bilang apostolic administrator ng Diocese of Kabankalan kasunod ng transition sa pamumuno ng lokal na Simbahan.
Inanunsyo ang appointment sa isang liham ng Dicastery for Bishops noong August 11 at isinapubliko ngayong araw na ito, August 12.
Pansamantalang pangangasiwaan ni Archbishop Billones ang diyosesis habang hinihintay ang pagkakatalaga ng bagong obispo na hahalili kay Bishop Louie Galbines.
Matatandaang ganap nang na-install si Bishop Galbines bilang bagong obispo ng Diocese of Bacolod nitong Martes, halos tatlong buwan matapos siyang ilipat ni Pope Leo mula sa Kabankalan, kung saan nagsilbi siya nang halos walong taon.
Si Bishop Galbines ang humalili kay retired Bishop Patricio Buzon, na namuno sa Bacolod sa loob ng isang dekada.
Ang Kabankalan ay suffragan diocese ng Archdiocese of Jaro sa ecclesiastical province ng Western Visayas.
Si Archbishop Billones ay dating auxiliary bishop ng Cebu at naging arsobispo ng Jaro noong Abril 2025.
