Paigtingin ang pagbabahagi ng pananampalataya, apela ni Cardinal Advincula

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 34,855 total reads

Hinimok ni Manila Archbishop Cardinal Jose Advincula ang pamayanan ng Minor Basilica and Parish of San Sebastian na gawing pagkakataon ang ika-50 anibersaryo nito bilang parokya upang panibaguhin ang katapatan sa Diyos at paigtingin ang pagbabahagi ng pananampalataya sa mga susunod na henerasyon.

Sa kanyang homiliya sa closing celebration ng ika-50 anibersaryo ng San Sebastian Basilica, kasabay ng Dakilang Kapistahan ng Pag-aakyat sa Langit ng Mahal na Birheng Maria nitong August 15, binigyang-diin ni Cardinal Advincula na ang pagdiriwang ay higit pa sa paggunita sa nakaraan kundi sa patuloy na paglago sa hinaharap.

“Every anniversary is more than a remembrance of the past; it is an invitation to renew our fidelity and to move forward in hope,” ayon kay Cardinal Advincula.
Bukod sa anibersaryo ng pagkatatag bilang parokya ay ginugunita rin ng dambana ang ika-135 anibersaryo ng pagpasinaya ng tinaguriang ‘all-steel’ church at ang ika-35 anibersaryo ng pontifical coronation sa imahe ng Nuestra Señora del Carmen de San Sebastian, ang Ina at Reyna ng Quiapo.

Ayon sa kardinal, mahalagang kilalanin ang pananampalataya at sakripisyo ng mga naunang henerasyon na naglingkod, nag-ingat at nagpatatag sa pamayanang Kristiyano sa San Sebastian.

Gayunman, hinamon ng kardinal ang kasalukuyang henerasyon na pag-isipan ang mga hakbang na gagawin upang maipamana ang pananampalataya sa susunod na henerasyon.
“What kind of Church are we preparing to hand on to the next generations that will come after us? What faith, what values, what devotion, and what witness will they receive from us?” ani ng kardinal.

Binigyang-diin din ni Cardinal Advincula na ang San Sebastian Basilica ay hindi lamang isang makasaysayang gusali na yari sa bakal at bato, kundi isang buhay na saksi ng pananampalataya.
“The Basilica’s long history reminds us that churches are not merely beautiful structures made of steel and stone; they are living witnesses to a faith that has been handed down, celebrated, tested, renewed, and entrusted to a new generation,” giit ni Cardinal Advincula.

Ipinakita ng kardinal na ang paglalakbay ng San Sebastian bilang pamayanang Kristiyano ay kaugnay ng mensahe ng Pag-aakyat sa Langit kay Maria na isang paalala na ang tunay na sukatan ng pananampalataya ay hindi lamang ang haba ng paglalakbay kundi ang katapatan sa araw-araw na pagsasabuhay ng “oo” sa Diyos.
“Mary teaches us that fidelity to God is not measured simply by the length of our journey, but by the faithfulness with which we say ‘yes’ to God each day,” aniya.

Hinimok din niya ang mga mananampalataya na tularan ang Mahal na Birhen sa buong-pusong pag-aalay ng sarili, pagpapakumbaba at paninindigan para sa katarungan ng Diyos.

Kabilang sa mga itinampok sa mga mahalagang yugto ng dambana ang pagsariwa sa pagputong ng korona sa Mahal na Ina at ang pagbabasbas sa mga tanda ng pagiging basilica, ang Tintinnabulum at Umbraculum.

Kasunod ng banal na misa ay isinagawa naman ang maringal na prusisyon sa mga pangunahing lansangan sa paligid ng basilica.

Itinatag ng mga Augustinian Recollect ang dambana noong 1621. Pinasinayaan ang all-steel church noong 1891, isang taon matapos itong itaas ni Pope Leo XIII bilang basilica.

Taong 1975 nang ganap itong naging parokya; noong 1982, idineklarang National Historical Landmark dahil sa natatangi nitong kasaysayan, arkitektura, at kahalagahan sa kulturang Pilipino; at noong 1991 naman, kinoronahan ang kinikilalang Ina at Reyna ng Quiapo.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Special treatment?

 19,124 total reads

 19,124 total reads Mga Kapanalig, isa si dating House Speaker at Leyte Representative Martin Romualdez sa mga sinasabing pangunahing personalidad na sangkot sa flood control scandal

Read More »

Bayan bago banyaga

 104,530 total reads

 104,530 total reads Mga Kapanalig, nagsimula na ang 49th ASEAN Summit sa Pilipinas. Malinis na mga kalsada, maayos na paligid, at maaliwalas na tanawin ang sumalubong

Read More »

Magparehistro na para makaboto sa 2028!

 168,372 total reads

 168,372 total reads Mga Kapanalig, pwede nang magparehistro ang mga botante para sa 2028 national at local elections hanggang sa ika-30 ng Hulyo, 2027. Maaaring magparehistro

Read More »

FILIPINO’s RUNNING OUT OF PATIENCE

 256,335 total reads

 256,335 total reads Kapanalig, hindi makakausad ang bansa kung ang mga mamamayan nito ay hirap na hirap maka-survive, habang ang mga inaasahang lider na pinagkakatiwalaang mamuno

Read More »

SCRIPTED NONSENSE

 338,456 total reads

 338,456 total reads Kapanalig, ano ang napapansin niyo sa pagpapatuloy ng impeachment trial ni Vice President Sara Duterte? Sa simula pa lamang ng impeachment trial, pinapalutang

Read More »

Watch Live

RELATED ARTICLES

Scroll to Top