361 total views
Nagpaabot ang mga Obispo ng Simbahang Katolika ng pakikiisa sa panahon ng kalungkutan at pagluluksa ng pamilya ng mga nasawi sa madugong pagsabog sa Davao City na ikinasawi ng 14-katao at ikinasugat ng 68-iba pa.
Inihayag ni dating CBCP President Cebu Archbishop Jose Palma ang kalungkutan sa nangyaring trahedya.
Hinimok naman ni Archbishop Palma ang lahat na sikaping magbago hindi sa pamamagitan ng paggawa ng karahasan kundi sa pamamaraang pagtutulungan at pagmamahal sa kapwa.
“Napaka-malungkot yung nangyari na bombing sa Davao. Sa mga pamilya ng mga nasawi ay yung aming pakikiisa sa panahon ng luksa at mga kalungkutan. Ito ay panahon ng ating malaking luksa at sana nga po bigyan tayo ng lakas na ma-face ang reality of death. Sana nga po sa mga kapatid din natin na gumawa nito, alam po natin na kahit anong anggulo tingnan hindi talaga tama. Sana hindi na maulit yung ganitong pangyayari sa ating lahat, lahat po tayo na mga Filipino. Lahat po tayo sana ipakita natin na kaya din natin yung pagbabago hindi sa ganitong pamamaraan pero sa ating pagsisikap at sa ating pagtutulungan sa kapwa,” mensahe ni Archbishop Palma.
Sa kabila ng trahedya, hinimok ni Basilan Bishop Martin Jumoad ang lahat ng Pilipino na patuloy na magkaisa at sama-samang pagsikapan na maabot ang hinahangad na kapayapaan sa bansa.
“I am really in pain of what happened in Davao, I pray for all the victims particularly those who died, May their soul rest in peace. We continue to work together collaborate, because it is only in working together that we can attain our goal of peace in our country, God Bless,” pahayag ni Bishop Jumoad sa Radio Veritas.
Ipinagdarasal naman ni Iligan Bishop Elenito Galido sa panginoon na maghari ang kapayapaan at katarungan sa madugong pagpapasabog.
Ipinaabot din ni Bishop Galido ang pakikidalamhati sa nararanasang pain at suffering ng mga kaanak ng mga nasawi sa trahdeya.
“Nakikiramay kami dun sa mga nasawi at para sa mga taong nasa hospital ngayon, we are one in their pain and suffering. We pray for peace and justice na sana maresolba yung bombing na nangyari”, mensahe ni Bishop Galido.
Umaasa si Bishop Galido na madakip at maiharap sa korte ang nasa likod ng pagpapasabog.
“Lalo na yung sa peace and order ay talagang ma-address. Yung mga gumawa noon(bombing) kailangan madala sa korte,” pahayag ng Obispo.
Hinimok naman ni Bishop Galido ang mga Filipino na huwag matakot lalo na sa mga ipinalabas na travel advisory ng iba’t-ibang embahada sa Mindanao.
“Ngayon ay may travel advisory para sa Mindanao, pero hindi kayo kailangang matakot kase naka-full alert ngayon at may mga checkpoints.
More safe here because of strict security measures na ipinapatupad in and out,” pahayag ni Bishop Galido.
