80,689 total reads
Kapanalig, ito ang binibigyan-diin ng Article XI, Section 3, paragraph 4 ng 1987 constitution na kautusan sa Mataas na Kapulungan ng Kongreso o Senado sa aksyon sa isang impeachment case na ipinasa ng Mababang Kapulungan ng Kongreso o Kamara.
Malinaw na kapag natanggap ng Senado ang verified complaint o impeachment resolution na inihain ng one-third ng mga miyembro ng Mababang Kapulungan ng Kongreso ay nararapat na simulan ng Senado ang impeachment trial.. Ibig sabihin Kapanalig, “without delay at walang pag-aaksaya ng oras”.
Hindi maaring i-delay ni Senate President Francis Escudero ang impeachment trial laban kay VP Sara Duterte sa kasong betraying of public trust at graft and corruption dahil hindi kumpleto ang mga Senador. Katwiran ni Escudero, kulang ang mga Senador na didinig sa impeachment complaint dahil matatapos ang termino ng iilan at re-electionist naman ang iba.
Noong pang February 5, 2025 ini-transmit ng Mababang Kapulungan ng Kongreso ang articles of impeachment sa Senado laban kay Vice President Duterte. Bakit nag-aatubili ang Senate President na gumalaw?
Dahil lamang sa 2025 midterm election sa darating ika-12 ng Mayo, hindi na magta-trabaho ang mga Senador? Linawin natin Kapanalig, sa darating na May 12, 2025 sa araw ng halalan nararapat matatapos ang termino ng 12 Senador. Mali ang dahilan ni Senate President Escudero na dahil sa election campaign o pangangampanya ay ipinagpaliban muna ang impeachment trial
Sa kabila ng dumaraming panawagan na umpisahan na ang impeachment trial ni VP Duterte, nanindigan ang Senate President na sa June 2, 2025 sa pagbubukas ng Kongreso ang impeachment trial.
Nakakadismaya di ba Kapanalig? mas priority ng mga mambabatas ang kanilang political ambition kaysa sa kanilang constitutional duties. Kapanalig, nasa iyo na ang pagpapasya sa darating na midterm election sa Mayo.
Kapanalig, sa iyong magpapasya sa Mayo nakasalalay ang kinabukasan ni VP Duterte? Ang ihahalal nating Senador ang uupong judge o hukom sa impeachment trial. Sila ang hahatol ng guilty o not guilty sa Bise-Presidente ng bansa.
Kapanalig, sinasabi sa Romans 13: 1-6 “Let every person be subject to the governing authorities. For there is no authority except from God, and those that exist have been instituted by God. Therefore whoever resists the authorities resists what God has appointed, and those who resist will incur judgment. For rulers are not a terror to good conduct, but to bad. Would you have no fear of the one who is in authority? Then do what is good, and you will receive his approval, for he is God’s servant for your good. But if you do wrong, be afraid, for he does not bear the sword in vain. For he is the servant of God, an avenger who carries out God’s wrath on the wrongdoer. Therefore one must be in subjection, not only to avoid God’s wrath but also for the sake of conscience”.
Sumainyo ang Katotohanan.
