550 total views
Iginiit ni Manila Archbishop Cardinal Jose Advincula ang kahalagahan ng pananalig, kababaang-loob, at pagdadala ng pag-asa sa gitna ng lumalalim na pangamba at paghihirap ng mamamayan.
Ito ang mensahe ng kardinal sa pagdiriwang ng kapistahan ng Mahal na Birheng Mariang Mapag-ampon sa National Shrine of Our Lady of the Abandoned sa Sta. Ana, Maynila.
Sa kanyang homiliya, inilarawan ng kardinal ang Mahal na Inang Mapag-ampon bilang inang hindi nang-iiwan sa gitna ng pagdurusa ng tao.
“Sa gitna ng magulong daigdig na madalas nagdudulot ng pinanghihina ng loob, ipinagdiriwang natin ngayon ang kapistahan ng Mahal na Inang Mapag-ampon, ang Mahal na Inang hindi nang-iiwan, kundi nananatiling kapiling ng kanyang mga anak sa gitnang dilim, luha, at paghihintay,” ayon kay Cardinal Advincula.
Binigyang-diin ng arsobispo na ang tunay na pag-asa ay nagsisimula sa pagpapakumbaba at pagtitiwala sa Diyos.
“Sapagkat ang tunay na kababaang-loob ay hindi pagmamaliit sa sarili, kundi malinaw na pagkilala na ang lahat ng mabuti sa atin ay biyaya lamang ng Diyos,” paliwanag ng kardinal.
Nagbabala rin si Cardinal Advincula laban sa labis na pag-asa sa sariling kakayahan dahil ito ay kadalasang naglalayo sa ugnayan ng tao sa Diyos at madalas na sanhi ng madaling pagkabigo at pagkawala ng pag-asa ng tao.
Ayon pa sa kardinal, mahalaga ang pananalangin at pag-amin ng kahinaan upang muling mabuhay ang pag-asa sa puso ng tao.
“Ang mapagkumbabang tao ay marunong manalangin, marunong umiyak sa Diyos, marunong magsabi ng ‘Panginoon, kailangan kita.’ At sa pag-amin na iyon, unti-unting isinisilang ang pag-asa,” dagdag ni Cardinal
Tinukoy rin ng arsobispo ang lumalawak na suliranin ng pangamba at tahimik na pagdurusa ng marami sa lipunan.
“Marami ring tao ngayon ang tila unti-unting nilalamon ng pangamba at kawalan ng pag-asa. May mga ngumingiti ngunit pagod na pala. May mga tahimik ngunit sugatan na ang puso,” saad ng pastol.
Hinimok naman ng kardinal ang mga mananampalataya na maging daluyan ng pag-asa sa payak na mga paraan tulad ng pakikinig, pagdamay, at presensya sa kapwa.
“Itinuturo sa atin ng ating Mahal na Ina na hindi kailangang maging dakila upang makapagbigay ng pag-asa. Minsan sapat na ang makinig. Minsan sapat na ang samahan ang isang taong umiiyak. Minsan sapat na ang magsabi: ‘Nandito ako’,” ani Cardinal Advincula.
Binigyang-diin din nito na ang pananatili sa piling ng Diyos ang susi upang manatiling matatag sa gitna ng pagsubok.
Ipinaalala rin ni Cardinal Advincula na habang nananatiling buhay ang pakikipagniig sa Panginoon, ay hindi mamamatay ang pag-asa sa puso ng tao.
Kasama ng kardinal sa pagdiriwang si Fr. Virgilio del Mundo, OFM, ang kasalukuyang shrine rector at parish priest ng dambana, gayundin si Fr. Gregorio Redoblado, OFM, ang provincial superior ng San Pedro Bautista Province ng mga Pransiskano, at mga misyonerong Pransiskano at bisitang
Ang Santa Ana Church ay isa sa pinakamatandang simbahan sa Maynila na itinatag ng mga misyonerong Pransiskano noong 1578.
Ang kasalukuyang istruktura ng simbahan ay itinatag sa pamumuno i Fr. Vicente Ingles, OFM alinsunod sa estilong
Taong 2020 nang ideklara ng Catholoc Bishops’ Conference of the Philippines ang dambana bilang national shrine habang ginanap ang maringal na deklarasyon noong May 12, 2021.
