47,544 total reads
Nagpaabot ng pakikiisa at pakikiramay ang Catholic Education of the Philippines sa malagim na pamamaril ng isang estudyante sa Ateneo de Zamboanga University.
Ipinahayag ng CEAP ang pakikiramay sa mga apektadong estudyante, pamilya ng mga biktima, mga guro at buong komunidad ng paaralan na dumaranas ngayon ng pagluluksa at pagkabigla sa pangyayari.
“CEAP expresses its deepest sorrow over the tragic shooting incident at Ateneo de Zamboanga University”, pahayag ng CEAP sa pamamagitan ng Radyo Veritas
Kasabay nito, nanawagan ang Catholic Educational Association of the Philippines o CEAP sa publiko na pairalin ang pag-iingat at malasakit kasunod ng malagim na pamamaril sa Ateneo de Zamboanga University.
Hinimok ng CEAP ang publiko na iwasan ang pagpapakalat ng haka-haka, fake news at maging mapanuri sa pagbabahagi ng komento at sentimiyento hinggil sa trahedya.
Hiniling din Institutsyon huwag nang ipakalat ang mga larawan o detalye na maaaring higit pang makapagdulot ng sakit sa mga biktima at kanilang pamilya.
At this painful moment, we ask everyone to respond with sensitivity, compassion, and restraint, remembering that behind every report, photograph, or social media post are students, families, teachers, and a community experiencing profound grief and shock. We urge the public to refrain from speculation, unverified information, sensationalized commentary, and the unnecessary sharing of images or details that may further wound those affected,” ayon sa mensahe ng CEAP na pinadala sa Radyo Veritas
Binigyang-diin ng CEAP na dapat pangalagaan ang dignidad at pribadong buhay ng mga biktima habang binibigyan ng sapat na panahon ang mga awtoridad at pamunuan ng paaralan na alamin ang buong katotohanan at tumugon sa insidente.
Umaasa ang CEAP na magsisilbing panawagan ang trahedya para higit pang mapakas ang pangangalaga sa kaligtasan, kapakanan at seguridad sa mga paaralan, kung saan pananagutan ng buong komunidad ang pagprotekta sa bawat bata at miyembro ng paaralan at pagtataguyod ng kapayapaan.
“Let our words and actions protect the dignity and privacy of the victims and their families, while allowing authorities and the school community the space to establish the facts and respond appropriately. May this tragedy awaken in all of us a deeper commitment to making every school a place of safety, care, vigilance, and peace, where the protection of every child and every member of the school community remains a shared moral responsibility,” bahagi pa ng mensahe ng CEAP.
Patuloy naman ang imbestigasyon ng Philippine National Police sa pamamaril kasabay ng apela ng kahinahunan at maayos na pakikiisa sa mga Pilipino at mga biktima o iba pang may kaugnayan sa trahedya.
Sa inisyal na ulat, 2 ang nasawi at Siyam ang nasugatan sa shooting incident sa ADZU.
