7,715 total views
Nakikiisa ang Diocese of Bacolod sa mga mangingisdang apektado ng Malabon Regional Trial Court ruling na pinahihintulutan ang pangingisda ng mga commercial fishing ship sa loob ng kanilang 15 kilometer fishing zone.
Ayon kay Bacolod Bishop Patricio Buzon, lubha nitong pinahihina ang kabuhayan ng mga maliliit na mangingisdang naghahanapbuhay para tustusan ang pang-araw araw na pangangailangan ng pamilya.
Bilang mga kristiyano, iginiit ng Obispo na tungkulin ng simbahan na ipagtanggol ang mga nakakaranas ng paniniil higit na kung kabilang sila sa pinakamahihirap na sektor ng lipunan.
“In this context, our small-scale fisherfolk are not merely workers of the sea but they too play a vital role in food security and sustainable development, contributing over 90% of the world’s fish catch (Food and Agriculture Organization of the United Nations, 2022), and yet they are often excluded from decision-making processes that directly affect their survival. For these people, fishing is not simply a livelihood but their only means of survival. Thus, to endanger their access to the seas is to endanger their lives and future,” ayon sa mensahe ni Bishop Buzon.
Bukod sa epekto sa kabuhayan, pinangangambahan din ng Obispo na masira ng polisiyang ito ang marine ecosystems sa lugar na higit pang papahirapan ang mga maliliit na mangingisda dahil sa posibilidad ng tuluyang pagkawala ng kanilang pinagkakakitaan.
Apela ni Bishop Buzon sa mga Chaplains, parokya, mambabatas at religous organization sa napapaligirang bayan ng katubigan ang pagpapalakas ng paninindigan laban sa polisiya upang mapigilan ang papatuloy nito.
‘Therefore, we appeal to our lawmakers, local government officials, and the judiciary to reexamine this policy and engage directly with the communities most affected. We also ask parishes and chaplaincies, especially along coastal areas, to organize campaigns and conduct information drives so that our communities may understand the impact of these rulings on our fisherfolk and marine ecosystems,’ ayon sa mensahe ni Bishop Buzon.
Ayon sa Obispo, apektado ng polisiya ang may 45-libong mangingisda sa 187-barangay na nakapaligid sa Malabon Fishing Zone na pinapangambahang mawawalan ng kabuhayan kung sa pagpapahintulot ng commercial fishing sa lugar.
