5,875 total reads
Nakikiisa ang Church People Workers Solidarity o CWS sa pamilya ng may 40-construction workers na nananatiling trapped sa gumuhong construction site sa Barangay Balibago, Angeles City, Pampanga.
Ayon kay CWS Chairman San Carlos Bishop Gerardo Alminaza, patuloy ang pananalangin at pakiisa sa mga pamilya higit na upang ipinawagan na mailigtas ang mga manggagawang natabunan.
Iginiit ng Obispo na ang pangyayari ay hindi lamang aksidente, sa halip, ito ay pagpapakita nang patuloy na pagsasawalang bahal ng pamahalaan at nangangasiwa sa sektor ng paggawa ang kaligtasan at kapakanan ng mga manggagawa sa trabaho.
“This tragedy is neither new nor merely an “accident” or an “act of God.” It is the consequence of a systemic disregard for workers’ lives—a culture where profit is prioritized over people, and where occupational safety and health standards are often ignored or treated as optional costs in the pursuit of greater profit,” ayon sa mensaheng pinadala ni Bishop Alminaza sa Radyo Veritas.
Muli ring pinaalala ng Obispo ang pagsasabuhay ng mga katuruan ng simbahan hingil sa paggawa katulad ng mga itinuro ng ensiklikal ni Pope Leo XIII na Rerum Novarum kung saan higit na pinahalagahan ang buhay ng mga manggagawa at kanilang dignidad.
Gayundin ang pag-aalala ni Bishop Alminaza sa ensiklikal naman ni Pope Benedict XVI sa kaniyang ensiklikal na Caritas in Veritate na sinasabing ang kahirapan ay dulot ng paglabag o pagsasawalang bahala sa karapatan at dignidad ng tao.
“The Church has long taught that labor is not a commodity and workers are not mere instruments of production. In Rerum Novarum, Pope Leo XIII reminds us that the dignity of workers must always take precedence over the accumulation of wealth and capital.
Likewise, Pope Benedict XVI wrote in Caritas in Veritate: “𝑰𝒏 𝒎𝒂𝒏𝒚 𝒄𝒂𝒔𝒆𝒔, 𝒑𝒐𝒗𝒆𝒓𝒕𝒚 𝒓𝒆𝒔𝒖𝒍𝒕𝒔 𝒇𝒓𝒐𝒎 𝒂 𝒗𝒊𝒐𝒍𝒂𝒕𝒊𝒐𝒏 𝒐𝒇 𝒕𝒉𝒆 𝒅𝒊𝒈𝒏𝒊𝒕𝒚 𝒐𝒇 𝒉𝒖𝒎𝒂𝒏 𝒘𝒐𝒓𝒌… 𝒃𝒆𝒄𝒂𝒖𝒔𝒆 𝒂 𝒍𝒐𝒘 𝒗𝒂𝒍𝒖𝒆 𝒊𝒔 𝒑𝒖𝒕 𝒐𝒏 𝒘𝒐𝒓𝒌 𝒂𝒏𝒅 𝒕𝒉𝒆 𝒓𝒊𝒈𝒉𝒕𝒔 𝒕𝒉𝒂𝒕 𝒇𝒍𝒐𝒘 𝒇𝒓𝒐𝒎 𝒊𝒕, 𝒆𝒔𝒑𝒆𝒄𝒊𝒂𝒍𝒍𝒚 𝒕𝒉𝒆 𝒓𝒊𝒈𝒉𝒕 𝒕𝒐 𝒂 𝒋𝒖𝒔𝒕 𝒘𝒂𝒈𝒆 𝒂𝒏𝒅 𝒕𝒐 𝒕𝒉𝒆 𝒑𝒆𝒓𝒔𝒐𝒏𝒂𝒍 𝒔𝒆𝒄𝒖𝒓𝒊𝒕𝒚 𝒐𝒇 𝒕𝒉𝒆 𝒘𝒐𝒓𝒌𝒆𝒓,” ayon pa sa mensahe ni Bishop Alminaza.
Nanawagan ang CWS ng masusing imbestigasyon, pagbibigay ng katarungan sa mga biktima at higit na pagpapatupad ng pamahalaan sa pangunguna ng Department of Labor and Employment ng mahihigpit na polisiyang papangalagaan at ilalayo sa anumang kapahamakan ang mga manggagawa sa oras ng trabaho.
