479 total views
Magpapatuloy hanggang Disyembre 31, 2026 ang celebratory phase ng Diamond Jubilee ng Diyosesis ng Legazpi bilang pagdiriwang ng ika-75 anibersaryo ng pagkakatatag ng diyosesis.
Sa inilabas na paanyaya, hinikayat ng Diyosesis ng Legazpi ang mga mananampalataya na makibahagi sa mga natitirang gawain bilang pasasalamat sa 75 taon ng tapat na pagmamahal ng Diyos, kasabay ng pagpapatuloy ng misyon ng lokal na Simbahan na “Biniyayaan, Inaantabayan, at Sinusugo.”
Kabilang sa mga pangunahing aktibidad ang Diocesan Synodal Mission sa Hulyo 18, 2026; ang pagdiriwang ng Fiesta Salvacion sa Agosto 15, 2026, kasabay ng paggunita sa 250 taon ng debosyon kay Nuestra Señora de Salvacion; ika-50 anibersaryo ng pagkahirang sa Mahal na Birhen bilang Patrona ng Diocese of Legazpi; at ika-50 anibersaryo ng pagkakadeklara sa Joroan Church bilang dambana.
Sa Agosto 22, 2026 naman gugunitain ang ika-50 anibersaryo ng Canonical Coronation ng Nuestra Señora de Salvacion, habang ipagdiriwang sa Setyembre 3, 2026 ang Kapistahan ni San Gregorio Magno, na patron ng diyosesis.
Kasama rin sa mga tampok na gawain ang paggunita sa anibersaryo ng Canonical Erection ng Diyosesis ng Legazpi sa Oktubre 20, 2026 na susundan ng Grand Procession ng mga patron ng lahat ng parokya sa diyosesis.
Sa Oktubre 28, 2026 naman ay pangungunahan ni Filipino Cardinal Luis Antonio Tagle, Pro-Prefect ng Dicastery for Evangelization ang banal na misa bilang paggunita sa Canonical Erection ng Diocese of Legazpi.
Magtatapos ang pagdiriwang sa Disyembre 31, 2026 sa pamamagitan ng Closing Mass at pagsasara ng Jubilee Door.
Ipinaalala rin ng Diyosesis ng Legazpi na maaaring magkamit ng Jubilee Plenary Indulgence ang mga mananampalataya sa pamamagitan ng debotong pagdalaw sa Saint Gregory the Great Cathedral habang isinasagawa ang Jubilee celebration, pakikibahagi sa mga itinakdang gawain o taimtim na pananalangin, pagdarasal ng Ama Namin, Pagpapahayag ng Pananampalataya, at panalangin para sa mga intensiyon ng Santo Papa.
Kailangan ding tuparin ng mga mananampalataya ang karaniwang kundisyon para sa plenary indulgence tulad ng pagtanggap ng Sakramento ng Kumpisal at Banal na Komunyon, pananalangin para sa Santo Papa, at ganap na pagtalikod sa anumang kasalanan.
Here’s the Jubilee celebration schedule:
𝗝𝘂𝗹𝘆 𝟭𝟴
𝗗𝗶𝗼𝗰𝗲𝘀𝗮𝗻 𝗦𝘆𝗻𝗼𝗱𝗮𝗹 𝗠𝗶𝘀𝘀𝗶𝗼𝗻
𝗔𝘂𝗴𝘂𝘀𝘁 𝟭𝟱
𝗙𝗶𝗲𝘀𝘁𝗮 𝗦𝗮𝗹𝘃𝗮𝗰𝗶𝗼𝗻
𝟮𝟱𝟬 𝗬𝗲𝗮𝗿𝘀 𝗼𝗳 𝗗𝗲𝘃𝗼𝘁𝗶𝗼𝗻 𝘁𝗼 𝗡𝘂𝗲𝘀𝘁𝗿𝗮 𝗦𝗲ñ𝗼𝗿𝗮 𝗱𝗲 𝗦𝗮𝗹𝘃𝗮𝗰𝗶𝗼𝗻
𝟱𝟬𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗼𝗳 𝗢𝘂𝗿 𝗟𝗮𝗱𝘆 𝗮𝘀 𝗣𝗮𝘁𝗿𝗼𝗻𝗲𝘀𝘀 𝗼𝗳 𝘁𝗵𝗲 𝗗𝗶𝗼𝗰𝗲𝘀𝗲
𝟱𝟬𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗼𝗳 𝗝𝗼𝗿𝗼𝗮𝗻 𝗖𝗵𝘂𝗿𝗰𝗵 𝗮𝘀 𝗮 𝗦𝗵𝗿𝗶𝗻𝗲
𝗔𝘂𝗴𝘂𝘀𝘁 𝟮𝟮
𝟱𝟬𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗼𝗳 𝘁𝗵𝗲 𝗖𝗮𝗻𝗼𝗻𝗶𝗰𝗮𝗹 𝗖𝗼𝗿𝗼𝗻𝗮𝘁𝗶𝗼𝗻 𝗼𝗳 𝗡𝘂𝗲𝘀𝘁𝗿𝗮 𝗦𝗲ñ𝗼𝗿𝗮 𝗱𝗲 𝗦𝗮𝗹𝘃𝗮𝗰𝗶𝗼𝗻
𝗦𝗲𝗽𝘁𝗲𝗺𝗯𝗲𝗿 𝟯
𝗙𝗲𝗮𝘀𝘁 𝗼𝗳 𝗦𝗮𝗶𝗻𝘁 𝗚𝗿𝗲𝗴𝗼𝗿𝘆 𝘁𝗵𝗲 𝗚𝗿𝗲𝗮𝘁
𝗢𝗰𝘁𝗼𝗯𝗲𝗿 𝟮𝟬
𝗔𝗻𝗻𝗶𝘃𝗲𝗿𝘀𝗮𝗿𝘆 𝗼𝗳 𝘁𝗵𝗲 𝗖𝗮𝗻𝗼𝗻𝗶𝗰𝗮𝗹 𝗘𝗿𝗲𝗰𝘁𝗶𝗼𝗻 𝗼𝗳 𝘁𝗵𝗲 𝗗𝗶𝗼𝗰𝗲𝘀𝗲 𝗼𝗳 𝗟𝗲𝗴𝗮𝘇𝗽𝗶
𝗚𝗿𝗮𝗻𝗱 𝗣𝗿𝗼𝗰𝗲𝘀𝘀𝗶𝗼𝗻 𝗼𝗳 𝗔𝗹𝗹 𝗣𝗮𝗿𝗶𝘀𝗵 𝗣𝗮𝘁𝗿𝗼𝗻𝘀
𝗢𝗰𝘁𝗼𝗯𝗲𝗿 𝟮𝟴
𝗠𝗮𝘀𝘀 𝗖𝗼𝗺𝗺𝗲𝗺𝗼𝗿𝗮𝘁𝗶𝗻𝗴 𝘁𝗵𝗲 𝗖𝗮𝗻𝗼𝗻𝗶𝗰𝗮𝗹 𝗘𝗿𝗲𝗰𝘁𝗶𝗼𝗻 𝗼𝗳 𝘁𝗵𝗲 𝗗𝗶𝗼𝗰𝗲𝘀𝗲
𝗣𝗿𝗲𝘀𝗶𝗱𝗲𝗱 𝗼𝘃𝗲𝗿 𝗯𝘆 𝗛𝗶𝘀 𝗘𝗺𝗶𝗻𝗲𝗻𝗰𝗲 𝗟𝘂𝗶𝘀 𝗔𝗻𝘁𝗼𝗻𝗶𝗼 𝗖𝗮𝗿𝗱𝗶𝗻𝗮𝗹 𝗧𝗮𝗴𝗹𝗲
𝗗𝗲𝗰𝗲𝗺𝗯𝗲𝗿 𝟯𝟭
𝗠𝗮𝘀𝘀 𝗳𝗼𝗿 𝘁𝗵𝗲 𝗖𝗹𝗼𝘀𝗶𝗻𝗴 𝗼𝗳 𝘁𝗵𝗲 𝗝𝘂𝗯𝗶𝗹𝗲𝗲
𝗖𝗹𝗼𝘀𝗶𝗻𝗴 𝗼𝗳 𝘁𝗵𝗲 𝗝𝘂𝗯𝗶𝗹𝗲𝗲 𝗗𝗼𝗼𝗿
