296 total views
Inihayag ng Dean ng San Beda College Graduate School of Law na kumikilos pa rin ang Pangulong Rodrigo Duterte na tila alkalde ng isang bayan.
Dahil dito, ayon kay Fr. Ranhillo Aquino, ‘incomplete’ ang gradong ibinigay niya sa Pangulo kaugnay ng 100 araw na panunungkulan nito.
Binanggit din ng pari na malaki ang suliranin ngayon ng bansa sa usapin ng foreign policy at sa pagnenegosyo dahil maraming dayuhang mamumuhunan ang umaalis.
“Incomplete ang ibibigay ko, this is always be my concern, no doubt the president is eager regarding sa droga and corruption but nakaligtaan ang maraming importanteng mga aspekto ng national life, in other words what I predicted before is coming through that our president in many ways is acting like a local town mayor and has not yet made the necessary transition to be national leader, for example our foreign policy is a mess now that is very dangerous one more thing because of convicting signals sa Malacanang ang nagyayari there is some instability in the market and investors are afraid to come to the Philippines,” ayon kay Fr. Aquino sa panayam ng Radyo Veritas.
Kaugnay nito, pinuri naman ng pari si Pangulong Duterte sa kampanya nito laban sa iligal na droga at katiwalian kasabay ng pagsasabing marami namang naging accomplishment ito.
“In fact he has accomplished a lot that previous president did not accomplished, he assured himself very courageous, but there is so much he did not attend to,” ayon pa kay Aquino.
Kaugnay nito, binigyang diin ng Malacañang ang malaking epekto ng mas pinaigting na kampanya ng pamahalaan laban sa ilegal na droga kung saan sa tala ng Philippine National Police, nasa 31-porsyento na ang ibinaba ng krimen sa bansa kumpara noong nakalipas na taon habang bumaba rin sa halos 90-porsyento ang supply ng ilegal na droga sa bansa.
Una ng kumilos ang Simbahang Katolika upang matulungan ang gobyerno sa mga sumukong drug addicts at users na nasa higit 712,000 sa pamamagitan ng community based rehabilitation program nila kasama na ang pagbibigay ng spiritual and moral formation upang sila ay makapag-bagong buhay.
Sa social doctrine of the church, kinakailangan ang bawat estado ay pinapatakbo ng matitinong lider para sa ikauunlad ng nakararami gaya ng mahihirap mula sa serbisyo-publiko ng mga nasa gobyerno.
