397 total views
Umaasa ang Obispo ng Mindanao na paglaanan ng malaking pondo ang pagpapagawa ng mga rehab centers at kampanya laban sa kahirapan.
Ayon kay Malaybalay Bishop Jose Cabantan, kinakailangan ngayon ang mga pasilidad at mga personnel para sa mas malaking rehabilitation centers sa bansa dahil sa war on drugs.
Inihayag ni Bishop Cabantan na dapat ituring ang drug addiction bilang health issue at hindi krimen.
Inaasahan din ng Obispo na tututukan ng administrasyong Duterte ang pagsugpo sa kahirapan sa bansa sa pamamagitan ng pag-alalay sa sektor ng edukasyon at agrikultura.
“Health para sa paggawa ng rehab centers, facilities, personnel and so on. Treat drug addiction as health issue not a crime. Poverty alleviation and education including subsidy for mission schools especially for teachers and IP literacy programs.”
Una ng kumilos ang Simbahang Katolika upang matulungan ang gobyerno sa mga sumukong drug addicts at users na nasa higit 712,000 sa pamamagitan ng community based rehabilitation program nila kasama na ang pagbibigay ng spiritual and moral formation upang sila ay makapag-bagong buhay.
