489 total views
Nadismaya ang Ecumenical Bishops Forum sa pagkatig ng Senado at Mababang Kapulungan ng Kongreso sa 1-year extension ng umiiral na Batas Militar sa Mindanao.
Ayon kay Kalookan Bishop Emeritus Deogracias Iniguez – Chairman ng Ecumenical Bishops Forum, kinakailangan muling pag-aralan ang lahat ng salik sa isang taong pagpapalawig sa Martial Law bago ito tuluyang ipatupad.
Iginiit ng Obispo na hindi pa rin nasasagot ang maraming katanungan ng mamamayan sa implementasyon ng batas militar ay muli na namang pinalawig.
“Ating kinalulungkot na ang Martial Law ay inextend ng isang taon sapagkat atin ngang kunukwestyon ang legality ng paglalapat ng Martial Law sa sitwasyong ito sa ating bansa. So ito ay isang bagay na dapat na pag-aralan ng husto, totoong may mga pagkakataon na kailangan ng Martial Law pero kung yan ang sitwasyon ng ating bansa ngayon, kailangang pag-aralan ng husto…” pahayag ni Bishop Iniguez panayam sa Radyo Veritas.
Inihayag ng Obispo na hindi makita ng maraming mamamayan ang pangangailangan ng bansa o ng rehiyon ng Mindanao sa martial law matapos ang mahigit limang buwang bakbakan sa Marawi.
“Para itong isang napakabiglang desisyon na kinakailangang higit na mapag-aralan para makita na ang Martial Law ay isang sitwasyon na hindi kinakailangan ng ating bansa sa pagkakataong ito, marami ang hindi makatanggap…” paglilinaw ng Obispo
Nilinaw naman ni Father Ranhillo Aquino, dean ng San Beda College Graduate School of Law na hindi batayan sa martial law extension ang bantang pag-atake ng rebeldeng komunista.
Read: Terror attack ng CPP-NPA, hindi pamantayan sa Martial law extension
Sa boto na 240-Yes, 27-No at walang abstention ay inaprubahan ng dalawang kapulungan ng Kongreso ang pagpapalawig ng Batas Militar sa Mindanao mula January 1, 2018 hanggang December 31, 2018.
Naninindigan ang Santo Papa Francisco na digmaan ang tugon sa anumang hindi pagkakaunawaan kundi ang payapang pag-uusap lalut kamatayan at pagkasira ang dulot ng kaguluhan.
