Inilunsad ng Department of Labor and Employment (DOLE) Occupational Safety and Health Center (OSHC) ang 14th Gawad Kaligtasan at Kalusugan.
Layon ng inisyatibo na igawad ang pagkilala sa mga kompanya na nagsusulong ng kaligtasan at kapakanan ng kanilang maggagawa.
Ayon kay OSHC Executive Director Jose Maria Batino, ang inisyatibo, bukod sa pagkilala sa mga paparangalan ito ay pagpapaalala sa mga kompanya ng kanilang tungkulin na panalitilihing ligtas ang kanilang manggagawa sa lugar ng paggawa.
“The more stakeholders we get onboard—policymakers, employers, workers, practitioners, advocates, researchers, the academe,” ayon sa mensahe ni Batino na pinadala ng OSHC sa Radyo Veritas.
Ayon sa Ahensya, bukas ang nominasyon para sa parehong pampubliko at pribadong sektor, gayundin para sa informal at microenterprise sector ng paggawa.
Sasalain naman ang mga kikilanin sa unang bahagi ng regional at kasunod naman ang national evaluation upang matukoy ang gagawaran ngayong taon ng 14th Gawad Kaligtasan at Kalusugan.
“The more we can advance knowledge at the worker and enterprise levels and enhance the culture of prevention, which will lead to a reduction of occupational accidents, diseases, and injuries. Ultimately, this will help us safeguard the fundamental right of all workers to a safe and healthy work environment,” bahagi pa ng mensahe ni Batino na pinadala sa Radyo Veritas.
Sa ensiklikal ni Pope Leo XIII na Rerum Novarum, ipinapaalala sa mga employer na obligasyon nilang pangalagaan ang dignidad at kaligtasan ng kanilang mga manggagawa.
