CBCP nagpaabot ng pakikiramay sa pamilya ng 3-OFW na namatay sa Dubai

 58 total views

Nagpaabot ng pakikiramay si Antipolo Bishop Ruperto Santos sa naiwang pamilya ng tatlong Overseas Filipino Workers na namatay sa malawakang pagbaha sa Dubai.

Ayon sa Obispo na siya ring Vice-Chairman ng Catholic Bishops’ Conference of the Philippine Episcopal Commission on Migrants and Itinerant People (CBCP-ECMI), nawa makamit ng kaluluwa ng mga namatay na O-F-W ang kapayapaan kasama ang kanilang mga pamilyang nagluluksa matapos ang insidente.

“Three overseas Filipino workers, two female and one male, tragically lost their lives because of the severe flooding that hit Dubai. Let us pray for the repose of their souls along with the others who perished from this calamity. Let us also lift up in prayers their grieving families in this time of great loss. May God’s love bring them comfort and peace,” ayon sa mensaheng ipinadala ni Bishop Santos sa Radio Veritas.

Paanyaya ng Obispo sa mga Pilipino ang pakikiisa sa CBCP-ECMI sa pananalangin para sa mga OFW at kanilang pamilya.
Ipinanalangin din ng Obispo ang paghupa ng tubig baha at kaligtasan ng mga mamamayang naninirahan sa Dubai upang ilayo sila ng Panginoon sa anumang kapahamakan.

“God has dominion over everything. He has authority, command, and control over all things created. Therefore, let us respond by putting our faith in God alone, Let us pray unceasingly and full of hope. Let us beg our almighty God in His mercy and power to pacify the rain, drain the water, and grant strength to His people affected by this flood. With our trust and faith in God let us implore our Lord Jesus to still again our nature with His assuring words “be quiet, it is I ” (Mark 4:39).” ayon pa sa mensaheng ipinadala ni Bishop Santos sa Radio Veritas.

April 18 nang makumpirma ng Department of Migrant Workers na tatlong Pilipino ang nasawi sa Dubai matapos ang pagbaha.

Kasabay ito ng paghahanda ng mga relief good at iba pang uri ng tulong na ipapadala para sa mga OFW na lubhang naapektuhan ng sakuna.

OCD, umapela ng tulong sa mga kabataan

 131 total views

Hinimok ng Office of the Civil Defense (OCD) ang mga kabataan na paigtingin ang pakikiisa sa pagsusulong ng Sustanaible Development Goals ng pamahalaan.

Tinukoy ni Civil Defense Undersecretary Ariel Nepomuceno ang pagsali sa mga inisyatibo ng pamahalaan tulad ng ika-limang National Youth Eco Camp kung saan tatalakayin ang mga hakbang at pagtugon ng pamahalaan sa suliranin ng climate change at iba pang problemang banta sa kalikasan.

“This year’s theme of Eco Camp will always be a relevant topic. As described by the United Nations, SDGs are an ‘urgent call for action,” mensahe ni Nepomuceno sa Radio Veritas.

Tiwala ang opisyal na mapapalalim ang kaalaman ng mga kabataan sa pagtugon sa mga problemang kinakaharap ng kalikasan at mapapatibay ang disaster risk reduction initiatives ng pamahalaan.

Sinabi ng OCD na sa pamamagitan nito ay mas marami ang magiging handa sa mga oras ng kalamidad at dadami ang mga mangangalaga sa kalikasan.

“Meanwhile, OCD Assistant Secretary Bernardo Rafaelito Alejandro IV also extended his support and encouraged the young leaders to make use of their voices, talents, and potential, for these will allow them to contribute to their communities now and in the future,” bahagi pa ng mensahe ng OCD.

Sa datos ng Statista, aabot sa 18.1-bilyong piso ang pinsalang idinulot ng mga bagyong nanalasa sa Pilipinas noong 2023.

Sa bahagi ng simbahan, patuloy ang pakikipag-ugnayan ng Caritas Philippines at Caritas Manila sa ibat-ibang diocesan social action centers upang mabilis na matugunan ang pangangailangan ng mamamayan naapektuhan ng kalamidad ang ibat-ibang bahagi ng Pilipinas.

16-libong sundalo, makikibahagi sa Balikatan exercises 2024

 2,352 total views

Handang-handa na ang Armed Forces of the Philippines (AFP) sa nalalapit na pagdaraos ng 39th Balikatan Exercises kasama ang Amerika.

Magsisimula ang balikatan exercises sa April 22, 2024, na nakatuon sa tatlong component exercises na kinabibilangan ng control, field training at humanitarian and civic assistance.
Layunin ng mga pagsasanay na mahasa din ang kasanayan at kaalaman ng mga lalahok na sundalo sa cyber defense, humanitarian and disaster response gayundin ang pangangalaga sa kapayapaan at kaligtasan ng mamamayan.

“Together, we speed up our march towards enhancing our military capabilities for maritime security alongside honing other competencies in order to effectively address the dynamic challenges across all domains,” mensahe ni AFP Chief of Staff General Romeo Brawner na ipinadala sa Radio Veritas.

Nabatid na 16-libong sundalo mula sa Philippine Army, Philippine Navy, Philippine Airforce at American Defense forces ang kasali sa Balikatan exercises 2024.

Idadaos sa AFP Camp Aguinaldo sa Quezon City ang opening at closing ceremony ng balikatan habang isasagawa ang exercises sa iba’t-ibang kampo ng A-F-P sa bansa.

“In tandem with military exercises, Balikatan 2024 will incorporate HCA projects aimed at benefiting local communities. Initiatives include the construction of school buildings in Ilocos Norte and Cagayan, as well as health care centers in La Union and Palawan. These endeavors underscore the commitment to fostering sustainable development and strengthening ties between military forces and civilian populations,” mensahe ng AFP.

Naunang ipinanalangin ni Military Ordinariate of the Philippines Bishop Oscar Jaime Florencio ang pagtatagumpay ng mga pagsasanay ng Pilipinas katuwang ang ibat-ibang bansa para sa kapakanan ng mga Pilipino.

NEDA, nakipagtulungan sa USAID

 7,821 total views

Nakikipagtulungan ang National Economic Development Authority (NEDA) sa United States Agency for International Development o USAID upang higit na maging epektibo ang paggamit ng Artificial Intelligence sa pamamagitan ng Information Communication Technology (ICT).

Katuwang ang Philippine Competition Commission (PCC), idinaos ang learning session hinggil sa Artificial Intelligence (AI) at wastong paggamit nito tungo sa pagpapaunlad ng lipunan.

Tiwala si PCC Executive Director Kenneth Tanate na sa pamamagitan ng inisyatibo ay magkaroon ng kamalayan ang mamamayan hinggil sa mga wastong paggamit ng AI upang maiwasan ang paglala ng mga negatibong epekto nito sa lipunan.

““Through these sessions, it is my hope that we can weigh the innovative promises of AI while also considering ethical and legal implications these might have on our society. Through careful study and assessment, I believe we can harness the benefits of AI in industries that need such innovation the most, while also tempering whatever unintended negative consequences might come with it,” ayon sa mensahe ni Tanate na ipinadala ng NEDA sa Radio Veritas.

Iginiit naman ni NEDA Undersecretary Krystal Uy na sa tulong ng wastong paggamit sa AI ay higit na mapadali ang trabaho at matutulungan nito ang mga manggagawa tungo sa pag-unlad.

““It’s imperative to recognize the critical role of ICT policies in enabling the potential of AI and its transformative impact on our work… In our efforts to bridge the digital gap, policies like the Konektadong Pinoy Bill (formerly known as the Open Access in Data Transmission bill) and reforms in spectrum management are crucial. By advocating for these reforms, we aim to ensure that every community, regardless of their location or economic background, can access dependable and high-speed internet services, and take advantage of opportunities enabled by the internet, such as AI,” ayon naman sa mensahe ni Uy.

Unang nanawagan ang Kaniyang Kabanalang Francisco sa mga lider ng buong mundo na magkaroon ng mga inisyatibong nakatuon sa pagpapaunlad ng paggamit sa AI para sa kapakanan ng lahat.

Manindigan sa mga teritoryo ng Pilipinas, panawagan ng Obispo sa mga Pilipino

 10,336 total views

Hinimok ni Taytay Palawan Bishop Broderick Pabillo ang mga kabataan at mamamayan na gamiting inspirasyon ang paggunita ng Araw ng Kagitingan upang manindigan para sa mga teritoryo na inaangkin ng mga banyaga.

Ayon sa Obispo, ito ay upang mapalakas ang mga pagkilos at paninindigan ng mga Pilipino para sa inaangking West Philippine Sea ng China kung saan nananatiling banta ang mga imprastraktura at malalaking Chinese Coast Guard, Navy at Fishing Vessels.

“Nasa araw po tayo ng kagitingan, ito po ay isang araw na paalalala po sa atin ng ating pagsasakripisyo ng mga kababayan natin sa kanilang Death March noong panahon ng giyera, ipinakita po nila at ng kanilang pagtitiyaga ang kanilang kagitingan na ipaglaban ang ating bayan,” ayon sa panayam ng Radio Veritas kay Bishop Pabillo.

Umaasa ang Obispo na ang Araw ng Kagitingan ay maging inspirasyon para sa mga kabataan na huwag mangamba at sa halip ay higit pang palawigin ang kanilang kaalaman hinggil sa usapan.

Hinimok din ng Obispo ang mamamayan na paigtingin ang pagkakaisa sa pananalangin upang i-adya ng Panginoon mula sa anumang kapahamakan ang mga mangingisda o uniformmed personnel na namamalagi sa West Philippine Sea upang maghanap-buhay o bantayan ang teritoryong pagmamay-ari ng Pilipinas.

“Mayroon ding mga banta din sa ating bansa, pinakabanta ngayon ay yung sa West Philippine Sea na inaagaw ang ating karagatan kaya dito ay ipakita din po natin na nababahala po tayo at maging concern tayo sa mga bagay na ito, wag tayong magpatakot, wag manghina ang loob natin kahit na malaki ang kalaban basta mahalaga magkaisa ng pagpapahayag na hindi dapat aagawin ang ating bayan, ang ating teritoryo, ngayon din po ay sikapin po natin na magdasal para po sa ating bansa, pagkakaisa ng ating kapayapaan at ang ating komunidad, ang ating bayan, sana po hindi mawala ang kagitingan sa ating mga Pilipino,” ayon pa sa panayam ng Radio Veritas kay Bishop Pabillo.

Bilang pakikiisa naman ng mga sibiliyan para sa teritoryo, muling isinusulong ng Atin Ito: West Philippine Sea Movement! ang pagkakaroon ng ikalawang civillian led resupply mission sa lugar.
Layunin itong maidaos ngayong summer season upang ipakita sa mga Pilipino na mahalaga ang paninindigan at pagsuporta sa mga hakbang na itataguyod ang soberany ng Pilipinas.

Pamahalaan at employers, hinamong tiyakin ang kaligtasan ng mga manggagawa

 12,543 total views

Hinamon ng mga labor group ang pamahalaan at employers na titiyaking ligtas ang mga lugar ng paggawa mula sa matinding init.

Iginiit ng Kilusang Mayo Uno (KMU) na responsibilidad ng employers na mapanatiling ligtas sa mga manggagawa ang mga workplaces habang nakaatang naman sa pamahalaan ang pagpapatupad ng mga occupational health and safety standards (OSH).

“Sobrang init ng panahon, dulot ng pagbabago sa klima o climate change na mainly accountable ang malalaking korporasyon na sumisira sa kalikasan para sa kanilang tubo. Dagdag rito, responsibilidad ng gobyerno at mga employer na tiyakin na ang mga manggagawa ay ligtas habang nagtatrabaho,” mensahe ni KMU Secretary-general Jerome Adonis sa Radio Veritas.

Binigyan diin naman ng Federation of Free Workers-Mindanao na nararapat na manatiling makatao ang pamamalakad ng mga employers sa kanilang manggagawa.

Ayon kay FFW-Mindanao President Maria Nelfa Bermudez, karapatan ng mga manggagawa na maging komportable at hindi mangamba sa kanilang kaligtasan na maaring idulot ng matinding init.
Iminungkahi naman FFW-Mindanao ang panunumbalik sa Hunyo ng pagsisimula ng school year upang maiwasan ng mga mag-aaral ang pagkaantala ng kanilang klase ng dahil sa tag-init.

“A swift return to the traditional June to March academic year seeks to mitigate the educational and health impacts of the high temperatures on school children and the workforce, while we call for a rapid return to a June school opening, all stakeholders should be sufficiently prepared for the transition process since at the end of the day, we do not want to undermine the quality of education and the other facets of decent work for teachers and school staff,” mensahe ni Bermudez sa Radio Veritas.

Una ng nananawagan ang Kaniyang Kabanalang Francisco sa mga employers na tiyaking ang mga lugar ng paggawa para sa mga manggagawang nagtatrabaho lamang upang masuportahan ang kanilang sarili o pamilya

Pilipinas, Amerika,Japan at Australia, magsasagawa ng joint patrol sa WPS

 14,838 total views

Magdadaos ang Pilipinas kasama ang Japan, Australia at Estados Unidos ng Maritime

Cooperative Activity (MCA) o joint patrol operation sa exclusive economic zone sa West Philippine Sea.

Inihayag ng Department of National Defense (DND) na bukod sa mga Naval forces ay kasali din sa gawain ang Air forces ng mga bansa.

Ayon sa DND,pangunahing layunin ng gawain na mapatibay ang ‘Interoperability’ ng mga defense forces na kalahok sa MCA o ang pagtutulungan sa wasto at mabilis na palitan ng impormasyon sakaling makaharap ang mga banta sa maritime security sa hinaharap.

“Demonstrating our collective commitment to strengthen regional and international cooperation in support of a free and open Indo-Pacific, our combined defense/armed forces will conduct a Maritime Cooperative Activity within the Philippine Exclusive Economic Zone on April 7, 2024, we stand with all nations in safeguarding the international order – based on the rule of law – that is the foundation for a peaceful and stable Indo-Pacific region,”

Sinabi ng DND na layon ng joint maritime patrol na mapalalim ang kaalaman ng mga Naval at Air Forces na kasama sa pagsasanay hinggil sa kahalagahan ng pagsunod sa United Nations Convention on the Law of the Sea (UNCLOS) upang igalang ang mga teritoryo ng mga bansa.

“Every country should be free to conduct lawful air and maritime operations, these activities with our allies Australia, Japan, and the Philippines underscore our shared commitment to ensuring that all countries are free to fly, sail, and operate wherever international law allows, our operations together support peace and stability at the heart of our shared vision for a free and open region,” ayon sa mensahe ni United States Secretary of Defense Lloyd James Austin na ipinadala ng DND sa Radio Veritas.

Unang kinilala ng Military Ordinariate of the Philippines ang mga kaparehong inisyatibo ng DND at Armed Forces of the Philippines na pinapatibay ang alyansa ng Pilipinas katuwang ang ibang bansa upang mapatibay din ang humanitarian at disaster response sa hinaharap.

NEDA, tiniyak na hindi maapektuhan ng mataas na inflation rate ang mga Pilipino

 15,828 total views

Tiniyak ng National Economic Development Authority ang pakikipagtulungan sa ibat-ibang kagawaran at ahensya ng pamahalaan upang matiyak na hindi lubhang maapektuhan ng mabilis na inflation rate ang mga Pilipino.

Tinukoy ni NEDA Secretary Arsenio Balisacan ang nararanasang El Niño, banta ng mataas na pamasahe, arawang sahod, mataas na bayarin sa serbisyo at banta ng La Niña.

“While we continue to face multiple risks, such as potential adjustments in transportation fares, wages, and service utility fees, the Marcos Administration is committed to managing the country’s inflation. This will be key to sustaining our growth momentum and providing a better life for our countrymen,” ayon sa mensahe ni Balisacan na ipinadala ng NEDA sa Radio Veritas.

Dahil sa banta ng taginit at tag-ulan, itinalaga ang Department of Environment ang Natural Resources para tiyakin ang sapat na supply ng malinis na tubig sa bansa.

Habang nakaatang naman sa Department of Agriculture ang pagtiyak na mababawasan ang pasakit na dulot ng tagtuyot sa mga magsasaka at maiwasan ang kakulangan ng suplay ng pagkain.

Tutugunan naman ng Department of Social Welfare and Development ang suliranin ng mga pinakamahihirap na sektor ng lipunan sa kanilang pangangasiwa sa Pantawid Pamilyang Pilipino Program o 4Ps at paggagawad ng 100% discount sa electric bills ng mga benepisyaryo na sasalain ng kagawaran.

“To ensure sufficient water supply and support our farmers during the dry season, the Department of Environment and Natural Resources has been tasked with monitoring water supply in the country. Simultaneously, the Department of Agriculture (DA) is proactively extending assistance to farmers adversely affected by the drought,” ayon pa mensahe ni Balisacan.

Pinaghahandaan ng NEDA ang mabilis na inflation rate na naitala noong Marso na umabot sa 3.7-percent kumpara sa 3.4% noong Pebrero 2024.

Patuloy naman ang pandaigdigang pagkilos ng “Economy of Francesco” na pinamumunuan ni Italian economist Luigino Bruni para isakatupan ang panawagan ni Pope Francis sa mga ekonomista at kabataan na baguhin ang sistema ng ekonomiya ng buong mundo na kasama sa pag-unlad ang mga mahihirap at napapangalagaan ang kalikasan.

Mamamayan, inaanyayahan na maging bahagi ng CARITAS-ISlaS

 16,099 total views

Inaanyayahan ng Caritas Manila ang mamamayan lalu ang mga kabataan na makiisa sa Caritas Institute for Servant Leadership and Stewardship (ISLaS).

Sinabi ni Grace Devara, ISLaS Head Institute for Servant Leadership and Stewardship na ito ay upang mapadami ang mga volunteers sa mga parokya sa iba’t-ibang diyosesis sa Pilipinas na tumutulong sa mga pinakanangangailangan na mabago ang antas ng kanilang pamumuhay.

“Inaanyayahan po namin ang lahat na nagnanais makibahagi sa aming adhikain na magdonate ng kanilang Time, Talent at Treasure, sama-sama po tayong maging tulay upang maiabot ang tulong at suporta sa mga mahihirap at sa mga lubos na nangangailangan,” ayon sa pinadalang mensahe ni Devara sa Radio Veritas.

Inihayag ni Devara na ang mga kasapi sa inisyatibo ay nagiging daluyan ng pag-ibig ng panginoon para sa kapwa.

Pinapatibay din nito ang pagkakaisa sa lipunan kung saan ipinapadala ang volunteers sa mga lugar o komunidad na nangangailangan ng tulong dahil sa kahirapan o dahil sa pananalasa ng ibat-ibang uri ng kalamidad.

“Napakalaki ng kahalagahan ng pagvo-volunteer especially sa panahon ng crisis, binibigyan nito ng pagkakataon na makapag contribute ang mga tao sa kani kanilang mga komunidad lalong lalo na sa simbahan, Pinapatibay din ng pagvo-volunteer ang sense of unity, empathy and solidarity ng mga tao. Kapag sama sama nating hinaharap ang mga pagsubok, nagiging mas matatag tayo sa pagharap sa mga maari pa nating kaharapin na mga krisis,” ayon pa sa mensahe ni Devara.

Para sa mga nais maging volunteers ng Caritas ISLaS ay maaring makipag-ugnayan sa Caritas Manila sa mga numero bilang (02) 8-5-6-2-0-0-2-0 to 25 local 131 o magpadala ng mensahe sa official Facebook page ng Caritas Islas.

Sa tala noong Pebrero 2024 ay mahigit limang libo na ang mga volunteers ng Caritas ISLaS sa iba’t-ibang diyosesis at arkidiyosesis sa buong bansa.
Sila ay mula sa magkakaibang Social Service Development Ministry na katuwang ng mga volunteers ng iba’t-ibang Social Action Centers ng simbahan sa Pilipinas para mapadali ang pagbibigay ng tulong at serbisyo sa mga mahihirap na Pilipino.

FFW, nanawagan sa CBCP na suportahan ang panawagang wage hike

 27,326 total views

Umapela ang Federation of Free Workers sa Catholic Bishops’ Conference of the Philippines na paigtingin ang pakikiisa sa mga manggagawa upang mapalakas ang panawagan na isabatas 150-pesos wage hike.

Ayon kay Atty. Sonny Matula na Pangulo ng FFW, ito ay upang mapalakas ang panawagan at apela na itaas ang arawang sahod ng mga manggagawa.

Nakasaad sa ensiklikal ni Pope Leo XIII na Rerum Novarum na karapatan ng mga manggagawa na makatanggap ng wastong suweldo na nakaayon sa kanilang pinaghirapan bilang bahagi ng katarungang panlipunan.

“Rerum Novarum” articulates, as a matter of faith and morals, that workers deserve more than merely a living wage. Pope Leo XIII elaborated on the idea of “fair wages,” Ayon sa mensahe ni Atty.Matula na ipinadala sa Radio Veritas.

Sinabi ni Matula na patuloy na nararanasan ng mga manggagawa ang paniniil hindi lamang ng mga pribadong kumpanya kundi ng ilang opisyal ng pamahalaan.
Umaasa si Matula na maninindigan ang CBCP para makamit ng mga manggagawa ang ipinapanawagang katarungang panlipunan.

“As the country enters the Holy Week, the FFW underscores that the trade unions’ campaign for wage hike echoes the teachings of Pope Leo XIII’s 1891 encyclical, “Rerum Novarum.” This seminal text, advocating for just wages, remains a foundational aspect of the Church’s social doctrine, championing the rights and dignity of the labor forcem, FFW calls on employers, instead of opposing, to remember “Rerum Novarum” and support wage hike,” ayon pa sa mensaheng ipinadala ni Atty.Matula sa Radio Veritas.

Aprubado na sa Senado ang Senate Bill No. 2534 o 100-pesos daily minimum wage increase for workers act.
Unang nakiisa sa panawagan na wage increase ng mga manggagawa ang Manila Archdiocesan Ministry of Labor Concern.