Lumabas sa comfort zone, hamon ng Pari sa mamamayan

 2,191 total views

Hinikayat ni Father Anton CT Pascual – Executive Director ng Caritas Manila ang mamamayan na lumabas sa mga ‘comfort zone’ o mga nakagawiang ginhawa sa buhay upang makita at matulungan ang mga nangangailangan.

Ito ang mensahe ng Pari na siya ring Pangulo ng Radio Veritas sa paggunita ng International Day of Charity tuwing September 05 upang mahimok ang mas marami na isabuhay ang diwa pagkakawanggawa.

“Sa ngalan ng Panginoon at ng ating Santa Iglesia, tayo ay nagpapasalamat sa araw na ito na idineklara ng United Nations na International Day of Charity, ang pagmamagandang loob po natin sa ating panahon, talento at yaman upang makatulong tayo sa mga nangangailangan, lalung-lalu na sa ating bansa sa mga biktima ng kalamidad, gawa ng kalikasan, gawa ng tao,” ayon sa panayam ng Radio Veritas kay Fr.Pascual.

Ayon pa sa Pari, mabisang pagpapakita din ng kawangawa ang pagkakapatiran upang patuloy na mapabuti ang buhay ng mga mahihirap.

Panalangin ni Fr.Anton na patuloy pang isabuhay ng mamamayan ang pagtulong sa kapwa sa pamamagitan pakikipag-kawanggawa o pakikipag-ugnayan sa mga Charity Organizations katulad ng Caritas Manila.

“Naway ang araw na ito, ang International Day of Charity ay magbigay ng inspirasyon sa bawat isa na lumabas po tayo sa ating mga comfort zones magmalasakit, makilahok, makialam sa mga problema ng ating kapitbahayan bilang tanda ng pagiging kristiyano,” ayon pa sa panayam kay Fr.Pascual.

Patuloy ding pinapalakas ng Caritas Manila ang Youth Servant Leadership and Education Program o YSLEP para sa mga mahihirap na scholars, disaster at livelihood program gayundin ang feeding program para sa mga mahihirap na pamilya.

Kapabayaan ng pamahalaan, pinuna ng ICRC

 3,162 total views

Nanawagan ng suporta sa pamahalaan ang International Committee of the Red Cross (ICRC) para sa mga pamilyang patuloy na hinahanap ang mga nawalang kamag-anak sa Marawi Siege noong 2017.

Nagtipon sa Iligan City ang mga taong nawalan ng mahal sa buhay upang alahahanin ang mga nasawi at nawawalang biktima ng Marawi siege pitong taon na ang nakalipas.

Bukod sa pakikiiisa, tiniyak ni Johannes Bruwer – ICRC Delegation to the Philippines Head ang tulong sa mga naiwang pamilya.

“Those who went missing from the Marawi conflict seven years ago will never be forgotten. We will continue to support the families of the missing as they urge the authorities to provide them answers so they can finally find closure,” ayon sa mensahe ni Bruwer na ipinadala ng ICRC sa Radio Veritas.

Ipinaalala ni Bruwer na obligasyon ng pamahalaan ng Pilipinas sa naiwang pamilya na bigyan sila ng kaliwanagan sa kinahantungan ng mga nawawalang mahal sa buhay.

Ipinarating ng mga dumalo sa “International Day of the Disappeard” na hanggang ngayon ay hindi pa sila nakakatanggap ng anumang tulong o pakikipag-ugnayan mula sa pamahalaan.

“Families have the need and the right to know what has happened to their loved ones. They play a central role in keeping their missing relatives at the center of political debates in their quest to find answers. It is important that authorities support the families of the missing by responding to their multifaceted needs, in accordance with the government’s obligations under international law,” ayon pa sa mensahe ng ICRC.

Taong 2017 ng kinubkob ng ISIS-inspired Maute group ang Marawi City na ikinasawi ng 164-miyembro ng Armed Forces of the Philippines, 47-sibilyan at pagkawala ng 170-katao.

Obispo, nababahala sa tumataas na inflation rate

 6,822 total views

Ikinababahala ni San Jose Nueva Ecija Bishop Roberto Mallari ang epekto ng patuloy na tumataas na inflation rate sa naghihikahos na mga Pilipino.

Dahilan ng mataas na inflation rate ang pagtaas sa presyo ng mga pangunahing bilihin, pagkain, transport fare, housing bills, electricity at water gayundin ang mga produktong petrolyo na lalong nagpapabigat sa pasanin ng mga ordinaryong mamamayan at manggagawa.

Nabatid sa pinakahuling ulat ng Philippine Statistics Authority (PSA) na umabot sa 3.3-porsiyento ang inflation rate sa first quarter at pumalo ito sa 3.8-percent sa second quarter ng taong 2024.

Kaugnay nito, hinikayat ni Bishop Mallari sa mga apektadong mamamayan na kasama nila ang panginoon sa paglalakbay.

Hinimok ng Obispo ang mamamayan na lumapit sa panginoon at lalong pag-alabin ang pananampalataya sa panahon ng mga pagsubok at kahirapan sa buhay. Ipinagdarasal din ng Obispo sa panginoon na bigyan ng lakas ng loob at katatagan ang mga dumaranas ng kahirapan at pagsubok.

“Mga minamahal kong mga kapatid kay Kristo, lalo pang papag-alabin ang inyong pananampalataya sa Diyos sa panahon ng mga pagsubok at kahirapan ng buhay. Pagpalain po kayo palagi ng Diyos, bigyan Niya kayo palagi ng lakas ng loob at katatagan na upang maharap ang lahat ng hirap ng buhay,” bahagi ng mensaheng ipinadala ni Bishop Mallari sa Radio Veritas.

Pinaalalahanan ng Obispo ang mga mananampalataya na ilagay sa mapagpalang kamay ng Diyos ang hirap na pinagdadaanan.

“Ilagay sa mapagpalang kamay ng Diyos ang inyong pinagdadaanan, sa Kanyang mga kamay maraming milagro ang maaaring mangyari basta palagi nakahawak ang kamay natin sa Kanya,” bahagi pa mensahe ni Bishop Mallari.

VP Duterte, pinagpapaliwanag sa 73-milyong pisong intel funds

 6,848 total views

Umapela ang Amihan Women’s Peasant Group kay Vice-president Sara Duterte na ibalik o ipaliwanag ang kuwestiyunableng 125-million pesos na confidential funds.

Sinabi ni Amihan Secretary General Cathy Estavillo na nagkulang sa pagpapaliwanag ang pangalawang pangulo sa paggastos ng pondong mula sa kaban ng bayan.

“Simple lang naman ang mga tanong, bakit ayaw sagutin? Garapalang manghingi at maglustay ng milyones pero wala man lang kahit katiting na accountability?” pahayag ni Estavillo sa Radio Veritas.

Nanindigan si Estavillo na karapatan ng mga Pilipino na malaman kung paano ginagamit ng mga opisyal ng pamahalaan ang pera ng bayan.

Kaugnay nito, hinimok ni Estabillo ang mga Pilipino na bantayan ang pagbusisi ng Mababa at Mataas na Kapulungan ng Kongreso sa isinumiting national budget ng ehekutibo para sa taong 2025.

“Maging mapagmatyag tayo sa paggamit ng gobyerno sa kaban ng bayan. Dapat nating tiyakin na ang bawat sentimo ay mapupunta sa pagsusulong ng interes ng malawak na hanay ng mamamayan at hindi sa bulsa at tiyan ng iilan,” ayon pa sa mensahe ni Estavillo.

Ang pahayag ni Estavillo ay matapos makatanggap ang Office of the Vice President ng “notice of disallowance” ng mabigong ipaliwanag kung saan ginastos o inilaan ng tanggapan ni VP Duterte ang 73-million pesos mula sa 125-million pesos na confidential funds noong 2022.

Naunang apela ni Taytay Palawan Bishop Broderick Pabillo sa mga opisyal ng pamahalaan na magkaroon ng transparency sa mga pondong ginagamit ng kanilang mga opisina upang maiwasan ang katiwalian at corruption sa pera ng bayan.

Pilipinas at Australia, nagkasundo sa pagpapatibay ng cyber security

 6,869 total views

Nagkasundo ang Department of National Defense ng Pilipinas at Australia sa pagpapatibay ng cybersecurity.

Nabuo ang kasunduan matapos ang pagpupulong sa pagitan ni DND Undersecretary for Capability Assessment and Development Angelito M. De Leo at Australian Ambassador for Cyber Affairs and Critical Technology Brendan Dowling.

Patitibayin ang cybersecurity sa pamamagitan ng joint training sa cyber security ng mga sundalo ng dalawang bansa.

“Both sides highlighted areas of cooperation such as information sharing on policies and best practices, innovations in information and communication technology, and organizing joint cyber drills and tabletop exercises. The discussions also covered possible defense technological cooperation such as building a skilled cyber defense workforce through exchange programs and workshops, research and development, among others,” ayon sa mensaheng ipinadala ng DND sa Radio Veritas.

Inihayag naman ni DND Office for Cyber and Information System Management Director Christine June Cariño na isasakatuparan ang kasunduan sa pagtatatag ng Cyber Strategy and Policy Department na pangangasiwaan ng Armed Forces of the Philippines.

Tiniyak naman ni Dowling ang pagkakaroon ng kanilang bansa ng ‘whole of nation approach’ para sa cyber security.

“The Australian delegation reiterated its commitment to collaborating with the DND and the AFP to build enduring cyber resilience and strengthen technology security in the region, offering capacity-building opportunities to further enhance the bilateral partnership on cyber affairs and critical technology cooperation, the meeting concluded with both countries reaffirming the significance of the Philippines-Australia alliance and their shared commitment to enhancing cyber defense and ensuring the security and stability of the region,” ayon pa sa mensaheng ipinadala ng DND sa Radio Veritas.

Ang cyber security ay isa sa mga sangay ng AFP at DND na nangangalaga sa mahahalagang impormasyon ng Pilipinas na iniimbak sa cyber o digital space tulad ng kinakaharap na suliranin sa hacking.

Kaugnay ng pagtutulungan, hinihimok ng Kaniyang Kabanalang Francisco sa mga lider ng mundo na unahin ang pagkakaisa at iwaksi na ang anumang hindi pagkakaintindihan.

Kakulangan ng NEDA, ikinadismaya ng EILER

 8,387 total views

Ikinadismaya ng Ecumenical Institute for Labor and Education and Research (EILER) ang kakulangan ng National Economic Development Authority (NEDA) na makita ang tunay na kalagayan ng mga mahihirap na sektor sa bansa.

Ayon sa Institusyon, bukod sa halaga ng pagkain at gastusin ng isang pamilya kada araw ay mahalagang isaalang-alang ang nutrisyon ng pagkain at kalidad ng pamumuhay araw-araw.

“Working Filipinos and their families are struggling to cope with the rising costs of food and other basic goods. For instance, the current daily minimum wage of ₱645 in the NCR, the highest among all regions, is only half of the family living wage—the amount needed for a family of five to maintain a decent standard of living. If ₱64 is spent on food per day for each family member, it would consume half of the worker’s daily wage,” ayon sa mensahe ng EILER.

Giit pa ng EILER, nananatili din sa poverty threshold at ang pinakamataas na 645-pesos Minimum Wage sa National Capital Region ay kalahati lamang ng isinusulong na Family Living Wage, na 1,200-pesos kada araw.

Kasunod ito sa itinakdang World Bank Standards kung saan ang Pilipinas ay nananatili sa ‘lower-middle-income-country’ na nararanasan ang food poverty.

“Setting the food poverty line at such a low threshold masks the true extent of food and economic insecurity of millions of Filipinos. The government seeks to artificially reach poverty reduction targets while limiting public resource allocation to programs combating aggregate poverty at the expense of struggling Filipinos that fall just above the low threshold. In downplaying the severity of poverty, the Marcos, Jr. administration fails to address the urgent demands of workers for living wages,” bahagi pa ng mensahe ng EILER.

Reaksyon ito ng EILER sa pahatag ng NEDA ngayong Agosto na hindi maituturing na mahirap ang mamamayan na gumagastos ng higit sa 64-piso kada araw para sa kanilang pagkain.

Itigil ang pag-atake sa humanitarian workers, apela ng ICRC

 9,882 total views

Umapela ang International Committee of the Red Cross (ICRC) sa international community na itigil ang pag-atake sa mga humanitarian aid workers sa ibat-ibang bahagi ng mundo.

Iginiit ng ICRC na tumutugon lamang ang mga humanitarian workers sa pangangailangan ng mga indibidwal, higit na ang mga inosenteng naiipit o naapektuhan ng anumang gulo sa kanilang bansa.

Ayon pa kay ICRC President Mirjana Spoljaric, bukod sa mga sibilyan na naiipit sa gulo ay pinapalala din ng patuloy na pag-atake ang kalagayan ng mga sibilyan na naapektuhan ng gulo.

“Attacks that harm or kill civilians, including humanitarian workers and medical personnel, have become tragically frequent in armed conflicts, it is unacceptable that civilians—or those dedicated to helping them—should face such danger. Whenever humanitarians are attacked, civilians also suffer the consequences, as aid efforts are hindered by the worsening security conditions,” ayon sa mensahe ni Spoljaric na ipindala ng ICRC-Philippines sa Radio Veritas.

Kasabay nito ay ipinarating din ng opisyal ng ICRC ang taos-pusong pasasalamat para sa mga humanitarian workers sa buong mundo.

Ito ay dahil sa kanilang patuloy na pagbibigay prayoridad upang matulungan ang mga inosentend apekto ng digmaan bago ang kanilang buhay.

Una ng itinalaga ng United Nations at ICRC ang 2023 bilang ‘Worst Year for humanitarian aid workers’ dahil sa patuloy na pag-atake at pagkamatay ng mga volunteer habang rumeresponde sa pangangailangan ng mga apektado ng digmaan sa Russia, Ukraine, Israel at Palestine.

Maling datos ng administrasyong Marcos, binatikos

 9,638 total views

Binatikos ng Student Christian Movement of the Philippines (SCMP) ang administrasyon ng Pangulong Ferdinand Marcos Jr. dahil sa pagiging anti-poor.

Binigyang diin ni Kejs Andres – Pangulo ng SCMP na obligasyon ng pamahalaan na paglaanan ng sapat na pondo ang mga programang nakatuon sa pagpapalago ng ekonomiya upang matiyak na mayroong sapat na pagkain ang taumbayan.

“Samantala, ang isang ekonomiyang para sa susunod na henerasyon ay ekonomiyang nagsasarili sa sariling paa at nakabatay sa pambansang industriya. Kailangang tiyakin ang nakabubuhay na sahod at trabaho para hindi na kailangang mangibang-bansa ng milyon-milyong Pilipino nang makasama pa rin nila ang kanilang pamilya,” ayon sa mensaheng ipinadala ni Andres sa Radio Veritas.

Ikinadismaya rin ng SCMP ang pahayag ng National Economic Development Authority (NEDA) na hindi ‘Food Poor’ ang isang mamamayang kung kakayanin nitong gumastos ng hanggang 64-pesos kada araw para sa pagkain.

Ayon kay Andres malinaw na pagpapakita ito ng nabigong pangako ni Pangulong Ferdinand Marcos Jr na ibaba sa hanggang bente pesos ang presyo kada kilo ng bigas upang makapagbigay ng kalidad at murang bigas para sa mga Pilipinong nagugutom.

Ikinadismaya rin ni Andres na sa halip na magbigay ng pag-asa at tunay na mga datos para sa mga Pilipino, ipinakita ng NEDA na hindi nila alam o naiintindihan ang kalagayan ng mga mamamayan na kanilang pinagsisilbihan higit na ang kalagayan ng mga pinakamahihirap na sektor ng lipunan.

Panawagan pa ni Andres ang pagkakaroon ng mas pinatibay na programa sa sektor ng agrikultura na papalakasin ang lokal na sektor upang maiwasan na ang pagiging import-dependent higit na ng bigas na produktong dapat sana ay ang Pilipinas ang pangunahing taga-suplay sa ibang bansa.

Ang mensahe ni Andres ay matapos ihayag ng NEDA sa kanilang mga naging pag-aaral na hindi maituturing na mahirap ang isang mamamayang kung gumagastos siya ng higit sa 64-pisong halaga ng pagkain kada araw.

Sa bahagi naman ng simbahan, itinalaga ito ng Kaniyang Kabanalang Francisco sa temang ‘Those who hope in the Lord will run and not be weary’ bilang paggunita sa 2024-2025 World Youth Day.