696 total reads
Hinamon ni Manila Auxiliary Bishop Broderick Pabillo – Chairman ng CBCP Episcopal Commission on the Laity ang mga kabataan na maging tinig ng kalikasan.
Ayon sa Obispo kinakailangang mapalawak ang kaalaman ng mga kabataan kaugnay sa nagaganap na pagkasira ng kalikasan.
Kinakailangan din ayon kay Bishop Pabillo na manguna ang kabataan sa mga bagong pagkilos sa pagtatanggol sa kalikasan lalo na ngayong ipinagdiriwang ng Simbahang Katolika ng Pilipinas ang ‘Year of the Youth’.
“Sana yung mga youth natin mga kabataan natin ay maging concerned about the care of creation kasi sa pagkasira ng creation sila po ang maaapektuhan, ang buhay nila ang maaapektuhan. Kaya ang future nila nagde-depend sa pangangalaga sa creation kaya sila dapat ang maging vocal, sila dapat ang manawagan sa panahon ngayon sa mga leaders natin na pangalagaan ang creation,” bahagi ng pahayag ni Bishop Pabillo sa Radyo Veritas.
Pinaalalahanan din ni Bishop Pabillo ang mga kabataan na mag-ingat upang hind maging biktima ng konsumerismo.
Ayon sa Obispo, ang kabataan ang karaniwang pinupuntirya ng mga advertisement at mga sale sa mall tuwing magpapasko, kaya naman aniya ay kailangang maging mapanuri ang mga ito at timbangin kung ano lamang ang kanilang kinakailangan.
Dagdag pa ni Bishop Pabillo, dapat tandaan ng bawat isa na hindi sa mga materyal na bagay makukuha ang tunay na kaligayan kungdi sa pagiging kontento sa anu mang maliit na biyaya na mula sa Panginoon.
“It’s not because we have more that we are happy, in fact when we have more, we are more burdened, mas mabigat ang dalahin natin na hindi natin alam paano ba gamitin yan at marami d’yan ay itinatapon lamang natin. Yun sinabi nga ni Papa Francisco that less is more, when we have less, we become more happy, because we value what we have at the same time we are more contented, we are more at peace,” dagdag pa ng Obispo.
Sa unang linggo ng Adbiyento pormal nang inilunsad ng simbahan sa Pilipinas ang ‘Year of the Youth’ na may temang na may temang ‘Filipino youth in mission: Beloved, Gifted, Empowered’ bilang bahagi ng paghahanda ng simbahan sa ika-500 kristiyanismo sa bansa sa taong 2021.
Sa naging mensahe ni Manila Archbishop Luis Antonio Cardinal TAgle hinikaat nito ang kabataan na maging misyonero ni Hesus at ipalaganap ang mga turo ng Panginoon.
Kabilang na dito ang pagiging isang mabuting tagapangalaga ng kalikasan.
