618 total views
Kinilala ng Stella Maris Philippines ang mga Mangingisdang Pilipino sa paggunita sa National Fisherfolks Day tuwing May 31.
Ayon kay Stella Maris Philippines CBCP-Bishop Promoter Antipolo Bishop Ruperto Santos, ito ay dahil sa katangi-tanging pakikiisa ng mga mangingisda sa pagtataguyod ng ekonomiya at pagsusuplay ng pagkain para sa mga Pilipino.
Higit na sa mga ito ay ang katangian ng tunay na pakikiisa sa pangangalaga ng mga karagatan ng Pilipinas.
“As we reflect on your vocation, we recall the example of our Lord Jesus Christ, who called His disciples from the shores and blessed their humble work. He walked with fishermen, shared their burdens, and transformed their lives, showing us the sacred nature of this calling. In your daily struggles and triumphs, may you always find comfort in His presence and strength in His love,” ayon sa mensaheng ipinadala ni Bishop Santos sa Radio Veritas.
Tiniyak naman ng Obispo ang patuloy na pakikiisa sa mga Mandaragat at Mangingisdang Pilipino upang mapaigting ang mga hakbang na papalakasin ang apela ng sektor tungo sa pagkamit ng dignidad sa kanilang hanapbuhay.
Kasabay ito ng patuloy na pananalangin at pag-aalay ng misa para sa kanila upang matiyak na nasa maayos ang kanilang kalagayan higit na ng kanilang mga pamilya tuwing naglalayag upang makapangisda.
“Stella Maris—the guiding Star of the Sea—continues to illuminate your path, protecting you from harm and leading you toward safe shores. On this special day, let us reaffirm our commitment to uphold the dignity of every fisherfolk, to advocate for fair and just working conditions, and to care for the seas that provide for us all, may the Lord bless you abundantly, grant you calm waters, bountiful harvests, and a future filled with hope,” ayon pa sa mensaheng ipinadala ni Bishop Santos sa Radio Veritas.
Ngayong taon, itinalaga ng Department of Agriculture ang pagdiriwang ng National Fisherfolk Day sa temang “Makabagong Magsasaka at Mangingisda, Susi sa Masaganang Bagong Pilipinas” upang higit na kilalanin ang mga mangingisda sa bansa.
Sa kabila nito higit na kinakailangan ng mga mangingisda ang tulong mula sa simbahan, higit na mula sa pamahalaan dahil sa mga pag-aaral ng Philippine Statistics Authority, nananatili ang mga mangingisda bilang isa sa mga pinakamahihirap na manggagawa sa Pilipinas.
