Pinaalalahanan ng Catholic Bishops’ Conference of the Philippines ang mananampalataya na nanatiling buhay ang pag-asang hatid ni Hesus sa sanlibutan.
Sa pastoral statement ni CBCP President, Kalookan Bishop Cardinal Pablo Virgilio David sa katatapos na 129th Plenary Assembly tinukoy nito ang iba’t ibang suliranin sa lipunan na labis nakakaapekto sa mamamayan.
Kabilang na rito ang mga usaping sumisira sa moralidad ng tao, patuloy na pagkasira ng kalikasan, paghina ng ekonomiya na nagdudulot ng kahirapan at kagutuman, kaguluhan sa larangan ng pulitika, seguridad ng pamayanan at matinding hamon sa pamamahala sa bansa ng mga halal na lider.
Gayunpaman binigyang diin ni Cardinal David na bagamat makakaapekto sa tao ang iba’t ibang suliranin ay may kaakibat na pag-asang pinagniningas ng Espiritu Santo.
“We sense a strong urge of hope, above all, in the feeling of uneasiness and disturbance-symptoms of an inner affliction, prodding us that something is wrong, yet at the same time urging us that something can adn must be done within, among ourselves, and our institutions…We your spiritual leaders share the pain brought about by these wounds of affliction. We, too feel the deep disturbance and seeming paralysis that plague many who are dragged into the pit of hopelessness,” bahagi ng pastoral statement ni Cardinal David.
