7,894 total views
Hinimok ni Borongan Bishop Crispin Varquez ang mga Pilipino na palalimin ang kanilang pagdedebosyon sa Mahal na Birheng Maria higit na ngayong Flores De Mayo.
Umaasa ang Obispo na higit na mapaigting ng mga Pilipino ang pag-aalay ng pananalangin sa pamamagitan ng paghahandog ng mga bulaklak sa Mahal na Birheng Maria sa paggunita ng tradisyon ng Flores de Mayo at paghahanap ng krus kung saan namatay ang panginoong Hesukristo sa Santacruzan.
“Flores de Mayo is our devotion given to Mary as our Mother. This devotion becomes part of our Filipino culture. And it is done in the whole month of May. We make our prayers and offer flowers to the Blessed Virgin Mary as her intercession,” ayon sa mensaheng pinadala ni Bishop Varquez sa Radyo Veritas.
Ipinagdarasal ng Obispo na manatiling maalam ang mga mananampalataya sa pagkakaiba ng Flores De Mayo at Santa Cruzan upang hindi ito maging isa o mapaghalo dahil dalawa itong magkaibang tradisyon.
Ipinaliwanag ng Obispo na ang Flores de Mayo ay pagdidebosyon sa birheng Maria sa pamamagitan ng pag-alay ng mga bulaklak ngayong Marian month ng Mayo habang ang Santa Cruzan ay tradisyon bilang paghahanap ni Reyna Elena sa tunay na krus ng panginoong Hesukristo.
“Let us take note that Flores de Mayo is not the Santacruzan. It should not be celebrated as one. Santa Cruzan is the commemoration of the finding of cross by Reyna Elena the mother of Constantine,” ayon pa sa mensaheng pinadala ni Bishop Varquez sa Radyo Veritas.
