Obispo ng Kalibo, tutol sa Boracay bridge project

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 11,195 total reads

Mariing tinutulan ni Kalibo Bishop Cyril Villareal ang isinusulong na Boracay Bridge project, at iginiit na maaari itong magdulot ng malawakang pinsala sa kalikasan, kabuhayan, at moral na kalagayan ng isa sa pangunahing tourist destinations ng bansa.

Ayon sa obispo, ang planong P7.78-bilyong tulay na mag-uugnay sa Boracay Island at mainland Aklan ay maaaring makaapekto sa marupok na yamang-dagat ng isla, kabilang ang mga coral reef at iba pang marine ecosystems.

Nagpahayag din ng pangamba si Bishop Villareal na maaaring maapektuhan ang komunidad ng mga katutubong Ati sa isla, kabilang ang posibleng pagkawala ng tirahan at unti-unting paglaho ng kanilang kultura at kabuhayan.

Hinamon ng obispo ang pamahalaan na unahin ang kapakanan ng mamamayan, kaysa sa pansariling interes.

“It’s not about yourself or what you can get from it but rather for the good of the people,” ayon kay Bishop Villareal.

Nagbabala rin ang obispo na maaaring magbunsod ang proyekto ng higit na komersyalisasyon sa isla, kabilang ang posibleng pagpasok ng mga casino at iba pang anyo ng pagsusugal na maaaring magdulot ng pinsala sa mga pamilya at pamayanan.

Nanawagan si Bishop Villareal ng mas malawak na konsultasyon sa publiko, at binigyang-diin na ang proyekto ay hindi lamang usaping pangkabuhayan kundi may malalim ding epekto sa moralidad at lipunan.

“I hope you will listen to the local leaders and spiritual leaders because we understand the situation here. We live with the people,” ayon kay Bishop Villareal.

Nauna nang sinabi ng Malacañang na kinumpirma ng Department of Public Works and Highways na aprubado na ang kasunduan para sa 2.54-kilometrong Boracay Bridge project, na itatayo ng San Miguel Corporation sa ilalim ng public-private partnership arrangement.

Magugunita na noong 2018 ay pansamantalang ipinasara ng pamahalaan ang Boracay upang isailalim ito sa malawakang rehabilitasyon.

BE OUR PARTNERS

THIS PORTION IS BROUGHT YOU BY

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Battered woman syndrome

 145,022 total reads

 145,022 total reads Mga Kapanalig, dalawang linggo mula ngayon magsisimula ang 18-Day Campaign to End Violence against Women. Taun-taon ito ginugunita mula November 25 hanggang December

Read More »

Implikasyon ng eleksyon sa Amerika

 206,711 total reads

 206,711 total reads Mga Kapanalig, hindi pumabor sa kasalukyang administrasyon ni US President Donald Trump ang kinalabasan ng katatapos lamang na midterm elections doon.  Mayorya ng

Read More »

Salat sa malasakit

 252,420 total reads

 252,420 total reads Mga Kapanalig, pasintabi po sa maselang tema ng ating editoryal ngayon.  Lamán ng mga balita kamakailan ang 26 na labî ng aso at

Read More »

PAANO MABUHAY SA 96-PESOS

 353,688 total reads

 353,688 total reads Kapanalig, ipinagyayabang ni Pangulong Ferdinand Marcos Jr. ang poverty statistics ng Philippine Statistics Authority na hindi ka maituturing na mahirap kapag kumikita ka

Read More »

MAHIYA NAMAN KAYO

 415,871 total reads

 415,871 total reads Kapanalig, JULY 28, 2025… naalala niyo pa ba? Ito ang ikaapat na State of the Nation Address (SONA) ng pangulong Ferdinand Marcos Jr.,

Read More »

Watch Live

RELATED ARTICLES

PBBM, binigyan ng ATM ng mababang marka

 207,869 total reads

 207,869 total reads Binigyan ng Alyansa Tigil Mina (ATM) ng pinakamababang marka ang administrasyon ni Pangulong Ferdinand Marcos, Jr. sa usapin ng pagmimina, kasabay ng ikalimang

Read More »
Scroll to Top