328 total views
Hindi personal na sumasang-ayon si Apostolic Vicariate of Puerto Princesa Palawan Bishop Pedro Arigo sa planong paggawa ng “Underwater Theme park sa Palawan.
Aminado si Bishop Arigo na hindi siya environmental expert ngunit naniniwala itong dapat na pag-aralang mabuti ng Department of Environment and Natural Resources ang epekto ng pagkakaroon ng artificial construction sa ilalim ng dagat.
Giit pa ni Bishop Arigo, kahit walang underwater theme park ay maganda na ang Palawan at hindi na ito kinakailangang galawin pa ng tao.
“Kailangang i-weigh ng mabuti yung damage siyempre merong artificial construction sa ilalim niyan medyo madi-disturb yung underwater life, yung mga coral reefs ay mada-damage, ako personally ang tingin ko kahit na walang ganong construction sa ilalim,yung mga scooba diving sights sa Palawan, itself, untouched by human hands ay napaka-ganda na.” pahayag ng Obispo sa Radyo Veritas.
Nitong Martes ika-10 ng Enero inihayag ng Viacom International Media Network ang plano nitong pagtatayo ng 100 hektaryang undersea-themed development sa Coron Palawan, bilang bahagi ng 400-hectare development ng Coral World Park, Viacom’s Philippine partnership.
Una nang inihayag ng Kanyang Kabanalan Francisco sa Laudato Si na hindi maaaring mapahintulutan ang mga gawaing sisira sa kalikasan at magdudulot ng paghihirap sa mamamayan lalo na sa mga kapus-palad.
