18,006 total reads
Nanawagan si Cagayan de Oro Rep. Rufus Rodriguez ng agarang pagbabawal sa lahat ng uri ng online gambling sa bansa.
Sa kanyang privilege speech sa Mababang Kapulungan, binigyang-diin ng kongresita ang matinding pinsala ng online gambling sa kabataan, pamilya, at lipunan.
“I cannot, in good conscience, stand idly by while a digital plague—online gambling—is rapidly eroding the very foundation of our society,” ayon sa kongresita.
Ayon kay Rodriguez na mahigit 34 milyong Pilipino na ang sangkot sa online gambling base sa datos ng Digital Risk Observatory, kung saan 30% ay kabataang nasa edad 15 hanggang 24, na ang marami ay nagsimulang magsugal bago pa man mag-edad 18.
Pinuna rin ng mambabatas ang mga sikat na personalidad at influencer na nagsusulong ng pagsusugal online, “These celebrity endorsers are exploiting their fame and social influence to normalize and promote gambling as an aspirational lifestyle.”
Nagbabala rin si Rodriguez sa mga epektong dulot ng pagkahumaling sa pagsusugal, “From drivers who have lost their entire salaries, wives being beaten, to suicides—these are not isolated incidents. These are real, heartbreaking stories that underscore the devastating impact of online gambling on our society.”
Bagama’t kinilala ni Rodriguez ang ₱200 bilyong kita mula sa regulated e-gambling noong 2024, at ang ₱30.7 bilyong buwis na nalikom, na hindi aniya maaring ikumpara sa pinsalang dulot nito sa bawat pamilyang Pilipino at sa lipunan.
“What is the cost to our society, to our children, to our families? Can we truly put a price on broken homes, lost lives, and addicted youth?”
Inaasahang magsusumite si Rodriguez ng panukalang batas, para sa total ban ng online gambling na sasaklaw sa pagbabawal sa e-wallets gaya ng GCash, Maya, at ShopeePay na tumanggap ng gambling transactions; Pagpaparusa sa operators, financial intermediaries, at celebrity endorsers;
Gayundin ang pagbibigay ng kapangyarihan sa DICT, NTC, PNP at PAGCOR na i-block ang gambling apps; at pondo para sa public awareness at recovery programs.
“Let us not allow more Filipinos to become the next ‘missing sabungeros.’ To the billionaires profiting from this industry: Shame on you!”
Hinimok din ni Rodriguez ang bawat miyembro ng Kamara na makiisa at gumawa ng hakbang para tuluyan nang ipagbawal ang online gambling.
“We ended POGOs. We ended e-sabong. It is now time to end online gambling once and for all.”
Una na ring naglabas ng pastoral letter ang Catholic Bishops Conference of the Philippines (CBCP) laban sa online gambling na itinuturing bilang moral at social emergency.
