Pag-alis sa appointing power ng Pangulo sa independent constitutional commission, iminungkahi

Bumubuo ng PCNE XII, nagpapasalamat sa mga nakiisa at nakibahagi sa taunang pagtitipon

 447 total views

Nagpaabot ng taos-pusong pasasalamat ang Executive Director ng Philippine Conference on New Evangelization (PCNE XII) na si Rev. Fr. Jason Laguerta sa libu-libong delegado, mga katuwang na organisasyon, boluntaryo, at mga institusyong naging bahagi ng matagumpay na pagdaraos ng ika-12 Philippine Conference on New Evangelization.

Sa kanyang closing message sa banal na misa bilang pagtatapos ng ikalawang araw ng PCNE XII, kinilala ni Fr. Laguerta ang University of Santo Tomas (UST) sa patuloy nitong pagbubukas ng mga pintuan para sa taunang pagtitipon ng Simbahang Katolika.

“Pinasasalamatan namin ang University of Santo Tomas for always welcoming us into your home, which has also become our home for the Philippine Conference on New Evangelization,” Bahagi ng pahayag ni Fr. Laguerta.

Binigyang-pugay rin ng Pari ang mga delegado mula sa Ministry with Persons with Disabilities (PWDs) bilang tanda ng patuloy na pagsusulong ng isang Simbahang tunay na bukas at inklusibo para sa lahat.

Bukod dito, nagbigay din si Fr. Laguerta ng espesyal na pagkilala sa mga Mangyan catechists mula sa mga pamayanang katutubo sa Mindoro na nakibahagi sa kumperensya bilang patunay na ang misyon ng Simbahan ay umaabot maging sa mga pamayanang nasa laylayan.

“We are deeply grateful to all of you. We would like to give a special mention to our delegates from the Ministry with Persons with Disabilities (PWDs). Let us give them a warm round of applause. We would also like to recognize a very special group that joined us for PCNE XII—our catechists from the Indigenous Peoples communities of Mindoro, our Mangyan catechists. Let us also give them a round of applause.” Dagdag pa ni Fr. Laguerta.

Ikinatuwa rin ni Fr. Laguerta ang pagdalo ng mga international delegates mula sa Canada, Estados Unidos, Australia, iba’t ibang bansa sa Asya, Africa, at South America, na ayon sa Pari ay nagpapakita na ang PCNE ay hindi na lamang pambansang pagtitipon kundi isa nang pandaigdigang pagtitipon ng Simbahang Katolika.

“PCNE is not only a national gathering; it is also an international gathering of the Church. Thank you very much for coming to the Philippines,” Ayon pa kay Fr. Laguerta.
Naniniwala ang Pari na ipinakikita ng malawak na partisipasyon ng iba’t ibang sektor ng Simbahan at ng pandaigdigang komunidad ang patuloy na pagsasabuhay ng diwa ng sinodalidad at ng panawagan ni Hesus na sama-samang maging mga kaibigan at misyonero ng Mabuting Balita.

Pagbabahagi ni Fr. Laguerta sa pamamagitan ng pagkakaisa ng mga obispo, pari, relihiyoso, layko, kabataan, mga katutubo, persons with disabilities, at mga delegado mula sa iba’t ibang bansa, ay higit na napalalakas ang misyon ng Simbahan na maipahayag ang Ebanghelyo sa makabagong panahon.

Nagbigay rin ng pagkilala ang Pari sa iba’t ibang mission partners, simbahan, congregations, lay organizations, educational institutions, media partners, sponsors at benefactors na naging katuwang sa matagumpay na pagsasagawa ng kumperensya.

Kabilang sa mga pinasalamatan ni Fr. Laguerta ang Couples for Christ Global Mission Foundation, Couples for Christ ANCOP, Order of Friars Minor (OFM), Conference of Major Superiors in the Philippines (CMSP), Missionary Servants of the Blessed Sacrament, Catholic Educational Association of the Philippines (CEAP), Association of Catholic Universities of the Philippines (ACUP), Catechetical Foundation of the Archdiocese of Manila, JesCom, Society of St. Paul, Sisters of St. Paul of Chartres, TV Maria, Archdiocese of Manila Office for Communications (RCAM-AOC), Radio Veritas, iba pang media partners, The Feast, iba’t ibang tanggapan ng ARCOM, exhibitors, volunteers, mga seminarista, at mga komisyon ng Catholic Bishops’ Conference of the Philippines (CBCP).

Gawing pundasyon ng buhay at misyon ang pakikipagkaibigan kay Kristo, Bishop Sescon sa mga kabataan

 1,154 total views

Hinimok ni Balanga Bishop Rufino Sescon Jr. ang mga kabataan na gawing pundasyon ng kanilang buhay at misyon ang tunay na pakikipagkaibigan kay Hesukristo.

Iginiit ng obispo na ang ebanghelisasyon ay nagsisimula sa mga personal na ugnayan at hindi sa mga programa.

Sa kanyang homiliya sa banal na misa para sa PCNE XII All Youth sa Quadricentennial Pavilion ng University of Santo Tomas, sinabi ng obispo na ang temang “Sangkay” ng ika-12 PCNE ay higit pa sa simpleng pagkakaibigan sapagkat ito ay paanyaya upang maging tunay na mga disipulo at misyonero ni Kristo.

Binigyang-diin ni Bishop Sescon na ang Simbahan ay tinatawag na maging pamayanan ng mga taong naglalakbay nang magkakasama tungo sa kaharian ng Diyos.

“Evangelization begins not with programs, but with persons; not with structures, but with relationships; not with slogans or campaigns, but with friendships,” ayon kay Bishop Sescon.
“The Church is not merely an organization, but a community—a friendship of missionary disciples.”

Ipinaliwanag ni Bishop Sescon na lumalago ang pananampalataya sa pamamagitan ng pakikipag-ugnayan sa kapwa.

“Christianity begins not with a doctrine, but with a friendship,” ayon sa obispo.

Binigyang-diin ni Bishop Sescon na ang pakikipagkaibigan ay pangunahing hakbang sa ebanghelisasyon sa pagpapahayag ng Mabuting Balita at sa pagsasabuhay nito sa lipunan.

“Friendship is not a strategy. It is the first language of the Gospel. We cannot introduce a friend to others whom we ourselves barely know,” giit ni Bishop Sescon.

Binigyang-pansin din ni Bishop Sescon ang nararanasang pag-iisa ng maraming tao sa makabagong panahon sa kabila ng paglaganap ng social media.

Hinimok niya ang bawat mananampalataya na maging “sangga” ng kapwa sa pamamagitan ng pagdamay, pakikinig at pag-akay sa mga nahihirapan sa buhay.

Sinabi ng obispo na nararapat na maging kanlungan ng mga sugatan at ng mga naghahanap ng pag-asa ang Simbahan.

Nagbabala rin si Bishop Sescon laban sa maling pag-unawa sa pagkakaibigan na nakabatay lamang sa pagkampi at pagtatakip sa mga nagkakasala.

Ayon sa kanya, ang tunay na kaibigan ay umaakay sa kabanalan at katotohanan.

“A true friend is one who lovingly challenges us to holiness, to truth, to goodness. The true friend, the real friend, the best friend, is the one who introduces us to Jesus” giit ni Bishop Sescon.

Sinabi pa ng obispo na ang pinakamahalagang handog ng isang kaibigan ay hindi materyal na tulong kundi ang pagpapakilala kay Hesukristo.

Binigyang-diin din niya na ang tunay na pagkakaibigan ay nag-aakay sa kapwa na makatagpo si Kristo.

“Evangelization does not end when someone becomes our friend. Neither does it end when someone attends church. It reaches its fullness when friendships become communities of missionary disciples, leading others toward the holiness, healing, and hope of Jesus,” aniya.

Hinimok ni Bishop Sescon ang mga kabataan na maging tunay na mga kaibigan ni Hesus at ipagpatuloy ang misyon ng Simbahan sa kanilang mga paaralan, parokya at pamayanan.

“Befriend Jesus. From being a friend, become His disciple. From being a disciple, become His missionary,” giit ng obispo.

Dumalo sa PCNE XII All for Youth ang libu-libong kabataan mula sa iba’t ibang diyosesis sa bansa upang higit na mapalalim ang kanilang pananampalataya at tumugon sa panawagan ng Simbahan na maging mga misyonerong alagad ni Hesukristo sa pamamagitan ng pagkakaibigan, pakikipagkapwa, at sama-samang paglalakbay sa pananampalataya.