36,424 total reads
Pinapangambahan ng International Labor Organization o ILO ang pagtaas ng youth unemployment rate sa buong mundo.
Ayon sa ILO, ito ay dahil sa pagbagal ng pandaigdigang pag-unlad ng ekonomiya sa mga nakalipas na buwan at taon. Batay sa Global Employment Trends for Youth 2026 ng ILO, umakyat sa 12.4 percent noong 2025 ang global youth unemployment rate na katumbas ng 67-million na bilang ng kabataang edad 15 hanggang 24 na walang trabaho.
Bahagya ring tumaas sa 20% ang mga kabataan na binansagan sa moder terms na ‘ Not in Education, Employment, or Training’ o mga NEET, katumbas ang bilang ng hanggang sa 257-million na kabataan sa buong mundo.
“A generation that cannot find decent work cannot build its future with confidence. When young people are locked out of quality employment, countries lose talent, productivity and social cohesion. Creating decent jobs for young people is not just a social imperative, it is one of the smartest investments a country can make,” ayon sa mensahe ni ILO Director-general Gilbert Houngbo na pinadala ng ILO Philippines sa Radyo Veritas.
Ayon sa ILO, kabilang sa mga dahilan ang mabagal na paglikha ng trabaho, geopolitical tensions at mabilis na pagbabago sa teknolohiya, kabilang ang artificial intelligence kaya apektado rin ang mga traditional entry-level jobs gaya ng clerical, administrative, sales at ilang manufacturing occupations.
Samantala, sa mga bansang maituturing na ‘developing economies’, nananatiling hamon ang paglikha ng sapat na disenteng trabaho dahil ayon pa sa mga datos ng ILO, siyam sa bawat sampung kabataang manggagawa sa low at lower-middle-income countries ay nasa informal employment, kaya limitado ang access sa stable income at social protection.
Nanawagan ang ILO ng mas malaking pamumuhunan sa kalidad na edukasyon, pagtuturo ng mga impormasyon na magagamit habambuhay, apprenticeships, social protection at skills development, upang matulungan ang kabataan na makasabay sa mabilis nagbabagong labor market at magkaroon ng mas maayos at disenteng trabaho.
“There is increasing noise around AI,” said Sukti Dasgupta, ILO Director of the Employment, Skills and Sustainable Enterprises Department. “While the direct impact on jobs is still unclear, we must not be complacent and underestimate the risks. We need to step up our investment in skills, lifelong learning and social protection so that young people can adapt to change and seize new opportunities. Technological progress, including AI, must work for young people, not against them” bahagi pa ng mensahe ni Houngbo
Kaugnay nito, nakasaad sa Ensiklikal na Laborem Excercens ni Saint John Paul II ang kahalagahan ng pagbubukas ng oportunidad ng disenteng trabaho dahil ang trabaho ay hindi lamang paraan para kumita, kundi may kaugnayan sa dignidad ng tao.
