432 total views
Inanunsyo ni Antipolo Bishop Ruperto Santos ang pahintulot ng Vatican sa pontifical coronation ng imahe ng Maria, Ina
ng Kapayapaan (Mary, Mother of Peace), sa Montalban (Rodríguez), Rizal.
Sa mensaheng ipinadala ng obispo sa Radyo Veritas, ipinabatid nito ang mahalagang pagkilala sa debosyon ng mga
mananampalataya sa naturang lugar.
“The Dicastery for Divine Worship and the Discipline of the Sacraments, acting in the name and with the authority of His
Holiness Pope Leo XIV, has officially granted our request for the Pontifical Coronation of the Venerable Image of Maria,
Ina ng Kapayapaan (Mary, Mother of Peace), venerated at the Parish of Maria, Ina ng Kapayapaan in Barangay Kasiglahan,
Montalban (Rodriguez), Rizal,” ayon kay Bishop Santos.
Sinabi ng obispo na magandang pagkakataon ang pagkilala sa malalim na debosyon sa Mahal na Birhen sa lugar lalo’t
ipinagdiriwang ngayong taon sa Diocese of Antipolo ang hubileyo para sa ikaapat na siglo ng pagdating ng imahe ng Birhen
ng Antipolo at ang ika-100 canonical coronation sa imahe.
“This singular honor is a precious gift from the Holy Father and a profound grace for our Diocese,
especially during this blessed Jubilee Year. Through this Pontifical Coronation, the Universal Church recognizes the deep
devotion of the faithful to our Blessed Mother under the title Maria, Ina ng Kapayapaan, and affirms her maternal presence
among the People of God,” dagdag ng obispo.
Nagpasalamat si Bishop Santos, kasama ang mga kaparian ng diyosesis, kay Pope Leo XIV sa pagkakaloob ng natatanging
pagkilalang ito sa lokal na simbahan.
Binigyang-diin ng obispo na ang karangalang natanggap ng diyosesis ay hindi bunga ng kakayahan ng tao kundi isang biyaya
mula sa Panginoon.
“This honor is not our achievement but God’s gracious gift,” ani Bishop Santos.
Hinimok ni Bishop Santos ang mga mananampalataya na muling ipagkatiwala ang kanilang sarili sa pagkalinga ni Maria,
Ina ng Kapayapaan, at ipanalangin ang pagkakamit ng tunay na kapayapaan para sa mga pamilya, pamayanan, bansa at
buong daigdig.
“May she continue to intercede for our families, our communities, our nation, and our world, that we may receive the gift
of true and lasting peace,” saad ng obispo.
Ang Pontifical Coronation ay isa sa pinakamataas na pagkilalang ipinagkakaloob ng Simbahang Katolika sa mga imahen ng
Mahal na Birhen na may matagal at malalim nang kasaysayan ng debosyon at malawak na impluwensiya sa buhay
pananampalataya ng mga mananampalataya.
Matatagpuan ang Parokya ng Maria, Ina ng Kapayapaan, sa Barangay Kasiglahan, bayan ng Rodriguez, Rizal, na
kasalukuyang ipinapastol ni Fr. Michael Balatbat.
Naitatag ang parokya noong 2004 at patuloy na nagiging sentro ng debosyon ang Mahal na Birheng Maria bilang Ina ng
Kapayapaan.
