8,356 total reads
Nagpahayag ng suporta ang Sangguniang Laiko ng Pilipinas sa Buhay Party-list para sa 2025 Midterm National and Local Elections.
Ayon kay LAIKO National President Francisco Xavier Padilla, mahalaga ang pagkakaroon ng mga kinatawan sa Kongreso na tunay na magsusulong sa kasagraduhan ng buhay at pamilyang Pilipino.
Paliwanag ni Padilla, kinakailangan na makapaghalal ng mga mambabatas sa Kongreso na magsisilbing tagapagtanggol ng mga mamamayan mula sa mga panukalang maaring makasira sa pundasyon ng pamilya sa bansa.
Pagbabahagi ni Padilla, tiwala siyang ganap na maisusulong ng mga kinatawan mula sa Buhay Party-list na binubuo nina dating Congressman Lito Atienza, Doc Rene Bullecer at Carlos Sario ang kapakanan ng pamilyang Pilipino sa pagbabalangkas ng mga panibagong batas na tunay na makapagpapabuti sa kapakanan ng mas nakararami o ng common good.
“There are a few bright spots in this 2025 elections. And these bright spots will help us defend faith, family and life! It is with great joy that I endorse BUHAY PARTY-LIST (#63). Why? Every Congress we battle bills that seek to destroy the Filipino family. We need pro-life warriors IN CONGRESS who will stop them right away. I am confident that Cong. Lito Atienza, Doc Rene Bullecer and Carlos Sario will be our voices in Congress, and will make sure to keep the Filipino family protected.” Bahagi ng pahayag ni Padilla.
Partikular na ibinahagi ni Padilla ang pagiging aktibo at kasaping LAIKO ni BUHAY Partylist 2nd nominee – Doc Rene Bullecer na matagal na nagsilbi bilang LAIKO Board at kasalukuyang SLP Vice President for the Visayas na tiyak na kaisa ng Simbahan sa mga paninindigan sa iba’t ibang usaping panlipunan.
“We, in LAIKO, have known Doc Rene Bullecer for a long time. He has been in the LAIKO Board for many year now, and is currently our Vice President for the Visayas. We can vouch for his integrity, passion for service and strength of character.” Dagdag pa ni Padilla.
Ang Sangguniang Laiko ng Pilipinas ay ang nagsisilbing implementing-arm ng Catholic Bishops’ Conference of the Philippines – Episcopal Commission on the Laity (ECLA) na binubuo ng higit sa 50-organisasyon ng mga layko at Council of the Laity mula sa 87-diyosesis sa buong bansa.
Ang mga layko ay ang mga binyagan na hindi naordinahan o kabilang sa mga religious congregation na tinatayang bumubuo sa 99.99% ng mga Katoliko sa buong bansa.
