366 total views
Duda ang opisyal ng Catholic Bishops Conference of the Philippines sa motibo ng kongreso sa isinusulong na pag-amyenda ng Saligang Batas.
Nangangamba si Manila Apostolic Administrator Bishop Broderick Pabillo na hindi lamang economic provisions ang dahilan ng isinusulong na Charter Change.
“Hindi kapanipaniwala na iyan ay economic provisions lang. besides economic provisions ay nasa atin na ng matagal bakit ngayon lang nila gagawin?,” ayon kay Bishop Pabillo.
Isa sa mga agam-agam ni Bishop Pabillo ay ang nalalapit na panaho ng halalan na maaring bahagi sa mga pag-uusapan lalu na ang usapin ng pananatili sa posisyon ng mga opisyal ng gobyerno.
Ang isang nakakaduda dito ay malapit na ang eleksyon, one and a half year na lang ay elections na so ‘yan ay papasukin din nila ‘yan. O kaya malaking suspetsa ng mga tao na ang bahagi nyan ay ‘term extension’. Giit pa ng obispo na hindi ito ang unang pagkakataon na isinusulong ang Cha-Cha tuwing matatapos ang termino ng mga halal na opisyal.
“Baka may iba pang dahilan,” giit ng obispo. Kaya’t panawagan ng obispo na mapigilan ang pagsasagawa ng Cha-Cha sa halip ay mas akmang talakayin ito ang pag-amyenda sa mga probisyon ng susunod na administrasyon.
