17,622 total reads
Nagpaabot ng pagbati si Pangulong Ferdinand Marcos Jr. sa lahat ng manggagawang Pilipino sa pagdiriwang ng Labor Day, kasabay ng pagkilala sa kanilang mahalagang gampanin sa pag-unlad ng bansa.
Sa kanyang mensahe, binigyang-diin ng Pangulo na ang mga manggagawa ang itinuturing na haligi ng ekonomiya at lipunan, anuman ang uri ng kanilang trabaho.
“Through your grit and sacrifice, families find stability, and the country finds strength. You are, and will always be, the backbone of our Republic,” ayon sa mensahe ng Pangulo.
Dagdag pa ng punong ehekutibo, “Thus, this day must be more than an observance. It must reaffirm the commitment of both the government and the private sector to build a country where hard work is rewarded and opportunity is real.”
Giit pa ng punong ehekutibo, sa kabila ng mabilis na pag-unlad ng teknolohiya at pagbabago sa industriya, nananatiling mahalaga ang ambag ng mga manggagawang Pilipino sa pagpapatatag ng bansa.
“Together, let us fulfill this promise by fostering an environment that respects honest labor, safeguards livelihoods, and ensures that progress is accessible to ordinary families,” ayon pa kay Pangulong Marcos.
Binigyang-punto rin ng Pangulo na sa pamamagitan ng sipag at sakripisyo ng mga manggagawa, napapalakas ang kabuhayan ng mga pamilya at ang kabuuang katatagan ng bansa.
Hinimok din ng Pangulo ang pamahalaan at pribadong sektor na patuloy na magtulungan upang matiyak na ang pagsisikap ng mga manggagawa ay may kaakibat na sapat na benepisyo, pangangalaga, at oportunidad.
Tiniyak din ng administrasyon na patuloy itong magpapaigting ng mga programa para sa paglikha ng trabaho, pagpapalawak ng oportunidad, at pagpapatibay ng karapatan ng mga manggagawang Pilipino.
