590 total views
Duda si Puerto Prinsesa Bishop Pedro Arigo sa 3.7-bilyong dolyar na poverty reduction funds na kaloob ng China sa Pilipinas.
Bagamat ikinatutuwa ni Bishop Arigo ang ulat, ikinababahala nito ang intensiyon ng China na makiisa sa 30-proyekto ng Pilipinas lalo’t anumang ibinibigay na tulong ng ibang estado ay tiyak na may malaki itong kapalit.
Nangangamba rin ang Obispo na mas malaki pa ang pakinabang ng China sa tulong na ipinagkaloob sa Pilipinas sa bandang huli.
“Definitely yung mga ganyang mga subsidy o anumang tinatanggap ng Pilipinas kalimitan ang mga iyan ay with exchange attach. Natutuwa tayo parang good news merong poverty alleviation funds pero ang magandang isipin ano ang kapalit niyan. Baka at the end we will be losing more than what we receive.”pahayag ni Bishop Arigo sa panayam ng Veritas Patrol.
Tinukoy ng Obispo ang pagkamkam ng China sa ilang lupaing pagmamay –ari ng bansa at para pagtakpan ang usapin sa West Philippine Sea ay bubuhusan nito ng 3.7-bilyong dolyar na pondo ang pamahalaan ng Pilipinas.
“Kasi alam niyo, wala na tayong kalayaan sa Spratlys dahil knowing China they will not give up their claims. Kaya tulad ng sinabi ko noon inaagawan tayo ng property then at the same time bibigyan tayo ng poverty funds para manahimik na kayo.” Giit pa ni Bishop Arigo sa panayam ng Radyo Veritas.
Samantala, sa huling poverty incidence na inilabas ng National Economic Development Authority, bumaba sa 21.6 percent o katumbas na lamang ito ng one – fifth sa kabuuang mahigit na 100 milyong populasyon ng bansa ang naghihirap.
Naunang iginiit ni Kidapawan Bishop Jose Collin Bagaforo na kulang ang mga programa ng kasalukuyang pamahalaan para tugunan ang malubhang problema ng Pilipinas sa kahirapan.
See.. http://www.veritas846.ph/gobyerno-kulang-ang-focus-sa-paglaban-sa-kahirapan/
