83,580 total views
Kapanalig, nahaharap sa kasalukuyan ang Pilipinas sa isang pinaka-malaking corruption scandal sa kasaysayan. Ang pagiging “mastermind” ng maraming mambabatas sa katiwalian sa pondo ng bayan ay sumasalamin sa pagiging ignorante ng milyun-milyong botanteng Pilipino.
Aminin man natin o hindi Kapanalig, tayong mga botanteng Pilipino ang dahilan kung bakit nagkakaroon ng malawakang katiwalian sa pamahalaan. Dahil, marami sa inihalal nating mga mambabatas ay puno’t-dulo ng pagnanakaw sa kaban ng bayan., walang moralidad.! Sa halip na magbigay-serbisyo sa ating mga mamamayan., sila pa ang nagnanakaw sa buwis na obligado tayong bayaran sa pamahalaan. Nagkamali tayong mga botante., pero sa bawat pagkakamali ay may pagsisisi at pagtutuwid. Papayag ba tayo sa lantarang panloloko? Papayag ba tayong harap-harapan na tayong ninanakawan? Kilala na natin sila., dapat matuto na tayo. Ang pagiging gahaman ay nasa DNA ng sinumang politiko na gustong manatili sa poder.
Our goal? Manindigan,labanan ang sistematikong katiwalian sa kaban ng bayan at igiit ang pananagutan ng mga sangkot sa korapsyon. Tama na!
Sa hangaring mabago ang bulok na sistemang politikal na umiiral sa Pilipinas., binuo ng mga lider ng simbahan at layko ang “OneGodly Vote”-Catholic Advocates for Responsible Electorate 0 CARE.
Misyon ng CARE na i-empower (bigyan ng kapangyarihan), maging maalam at aktibong makibahagi ang bawat botanteng Pilipino para sa mabuting kinabukasan ng susunod na henerasyon.
Pangalawa: tinitiyak ng CARE ang pagbibigay gabay sa mga botante sa pamamagitan ng “grassroots” good governance point system” na resulta ng pag-uusap na maging basehan naman sa maalam na pagpili sa karapat-dapat na maging lider.
Pangatlo: Isinusulong ng CARE ang dayalogo o pakikipagtalastasan at pagkakaroon ng “circle of discernment” sa bawat public affairs apostolate ng Parokya ng simbahan. Sama-samang pag-usapan sa pamayanan ang hangad nating mamuno sa bansa.
Pang-apat: Hangad ng C.A.R.E. na matuldukan o maalis na ang “dole-out mentality” na ginagawa ng mga politiko sa pamamagitan ng pagpasali sa mga botante sa kooperatiba sa kanilang lokal na pamayanan.
Kapanalig, ang C.A.R.E.’s holistic approach is designed to create a ripple effect of positive change, fostering a more engaged, informed, and empowered electorate. By prioritizing dialogue, accessible information, continuous discernment, and economic empowerment, C.A.R.E. is not just educating voters; it is transforming communities and building a stronger, more democratic Philippines.
Ang nasaksihan nating talamak na korapsyon na kinasasangkutan ng mga lider at opisyal ng bansa ay magsisilbing “wake up call” sa lahat ng mga botante na kailangang-kailangan nang wakasan ang pambubulsa sa pera ng bayan na ating pinagpawisan at pinaghirapan. Sana, patuloy ding manindigan para sa pagbabago ang tinatawag na GEN Z, sila ang tinatawag na pekulyar, masigla at buhay na buhay na henerasyon.
Kapanalig, ang ating matalinong pagboto ay may kapangyarihang hubugin ang kinabukasan ng bansa. Sa ating mga botante, nakasalalay ang kinabukasan ng bansa.
Sinasabi ng Catholic Bishops Conference of the Philippines (CBCP) na ang “electoral process” is our sacred duty, not only as Filipino’s, but as Christians.”
