17,083 total reads
Kinilala at pinasasalamatan ni Antipolo Bishop Ruperto Santos ang mahigit anim na milyong debotong nakiisa sa taunang Alay Lakad sa Antipolo.
Ayon sa obispo ang pagbubuklod ng mga deboto sa tradisyon tuwing Huwebes Santo ng gabi ay malinaw na tanda ng matatag at buhay na pananampalataya ng mga Pilipino.
“An estimated 6,082,234 pilgrims took part in this sacred journey. What a powerful testament to the living faith of our people!” ayon kay Bishop Santos.
Batay sa ulat ng Philippine National Police at pamahalaang panlalawigan, naging maayos, mapayapa, at disiplinado ang isinagawang paglalakbay ng mga mananampalataya patungo sa pa daigdigang dambana ng Mahal na Birhen sa Antipolo.
Binigyang-diin ni Bishop Santos na kasalukuyang kura paroko ng dambana ang pagtalima ng mga deboto sa mga panwagang kaayusan ng pagtitipon.
“There were no untoward incidents, no reports of lost belongings, and cleanliness was faithfully observed. These are not small things; they are signs of a people deeply formed by faith and guided by love “ ani Bishop Santos.
Ipinaliwanag ng Obispo na higit pa sa tradisyon ang naturang gawain, kundi isang konkretong pagsasabuhay ng pananampalataya.
“Together, you have shown that faith is not only professed in prayer but lived through responsible action and care for one another,” giit ni Bishop Santos.
Inilarawan din ng obispo ang Alay Lakad bilang isang malalim na pagpapakita ng debosyon sa Mahal na Birhen.
Sinabi ni Bishop Santos na ang naging daloy ng pilgrimage ay sumasalamin sa tunay na pagkakakilanlan ng sambayanang Pilipino bilang mga mananampalataya.
“We have shown our true face as a people: obedient, respectful, and loving children, walking together in faith toward our Mother,” dagdag ng obispo.
Pinasalamatan din ng Obispo ang lahat ng sektor na nakiisa sa matagumpay na pagdaraos ng gawain; ang mga deboto, volunteers, religious leaders, at mga ahensya ng pamahalaan na nagkaisa upang maipamalas ang disiplina, malasakit, at pananampalataya.
“From the depths of my heart, I thank each one of you—pilgrims, organizers, volunteers, and our partners in government and public service—for your dedication and commitment,” saad ni Bishop Santos.
Hiniling naman ng Obispo ang patuloy na paggabay at proteksyon ng Mahal na Birhen ng Kapayapaan at Mabuting Paglalakbay sa lahat ng mananampalataya, kasabay ng panalangin na gantimpalaan ng Diyos ang kanilang mga sakripisyo ng masaganang biyaya.
