1,550 total views
Panatilihing buhay ang pananamapalataya sa Panginoon bilang nagkakaisang simbahan.
Ito ang mensahe ni Manila Archbishop Jose Cardinal Advincula sa unveiling at pagbabasbas ng bagong retablo ng Archdiocesan Shrine of Our lady of the Miraculous Medal sa Saint Vincent De Paul Parish.
Ayon sa Kardinal, nawa sa tulong ng higit na pagpapatibay ng bawat isa sa kanilang pananampalataya ay higit na mapaigting ang pakikiisa sa Panginoon.
“Maging daan tayo ng pagkakaisa, magkaisa tayo sa pamamagitan ng eukaristiya, magkaisa tayo sa pamamagitan ng mga sakramento, magkaisa tayo sa pamamagitan ng pagkalinga natin sa bawat isa, walang kristiyano na mag-isa lang sa buhay, wala dapat kristiyanong nag-iisip ko nakakaramdam na mag-isa lang siya sa buhay.” ayon sa mensahe ni Cardinal Advincula.
Hinihakayat naman ni Father Joel Rescober, Rector at Parish Priest ng simbahan ang bawat mananampalataya na palalimin ang pagdedebosyon sa Mahal na Ina ng Miraculous Medal.
Ayon sa Pari, ito ay isang malaking karangalan ang pangasiwaan ang simbahan itinayo noong 1872 kung saan kaniyang inanyayahan din ang mga nagdedebosyon sa Our Lady of Miraculous Medal na bumisita at magalay ng panalangin sa simbahan.
“Una-una salamat po sa lahat ng mga tumulong samen para maayos pong itong aming alter actually ito ay post-war altar pa yung pinalitan natin so more than decades talaga so ngayon, hopefully maraming tao lalo na’t devotees ng miraculous medal ay magpunta dito sa dambana niya para mas lalo makatanggap ng grasya mula sa ating Panginoon.” ayon sa panayam ng Radio Veritas kay Father Rescober.
Nagalak din si Father Rescober na sa tulong mga donors at naging bahagi sa renovation ng simbahan ay naging posible na maging ‘Earthquake Proof’ ang ang Archdiocesan Shrine of Our lady of the Miraculous Medal – Saint Vincent De Paul Parish.
Pagbabahagi ng Pari, sa tulong ng mga Basic Ecclesial Community ay palalalimin ang pananampalataya ng nasasakupang mamamayan sa pamamagaitan ng pagdadala ng Mahal na Birheng Maria sa mga komunidad.
