58,940 total reads
Pagwawaldas sa pera ng taong bayan.. dahil sa isang pagkakamali.
Kapanalig, 73-milyong balota para sa May 2025 national at local elections ang nasayang…nasayang ang pagod at oras. naimprenta na… mauuwi lamang sa basurahan. Ito ay matapos suspendihin ng Commission on Elections (COMELEC) ang pag-imprenta ng opisyal na balota para sa May 2025 mid-term national at local elections…Kapanalig, isang bilyong piso..isang bilyong piso ang budget ng COMELEC sa pag-imprenta ng balota.
Ang suspension ng pag-imprenta ng balota ay pagsunod ng COMELEC sa inilabas ng Korte Suprema na temporary resytraining order (TRO) na pumipigil sa poll body na iimplementa o ipatupad ang desisyon (ruling) na nagdi-disqualify sa certificates of candidacy (COCs) ng limang indibidwal na tatakbo sa May 12, elections.
Bukod sa suspension ng printing of ballots, ipinag-utos din ng COMELEC ang pagpalit ng candidates data base, election management system (EMS), automated counting machine (ACM) at consolidation and canvassing system(CCS). Ipinag-utos din ang regeneration sa 1,667 ballot face templates, serialization at pagpalit nng numbering ng mga kandidato.. Kapalpakan…Aminado ang ahensiya na magastos at time consuming ang nangyari dahil sa kautusan ng korte suprema.
Sa kanilang en banc session, naglabas ng TRO ang Korte Suprema na pumipigil sa COMELEC na ideklarang nuisance candidate si Subair Guinthum Mustapha at Charles Savellano na tumatakbong Senador at Ilocos Sur 1st District Representative. Naglabas din ang SC ng TRO pabor kay Edgar Erice na dinis-kwalipika ng COMELEC sa pagtakbo bilang 2nd District Representative ng Caloocan City, gayundin si Florendo de Ramos Ritualo Jr., na kinansela ang COC para sa city council ng San Juan City.
Ibinasura ng Korte Suprema ang katwiran ng COMELEC na walang kakayahang pinansiyal ang nasabing mga kandidato kaya kinansela ang kanilang COC at idineklarang nuisance candidate.
Sinabi ng SC na binalewala at hindi iginalang ng COMELEC ang “bonafide intention” ng kandidato na tumakbo sa public office kahit walang kakayahan na magsagawa ng malawakang pangangampanya.
Simple lamang ang qualifications sa mga gustong tumakbo ng public office sa ilalim ng 1987 Philippine constitution at Omnibus Election code… natural born citizen of the Philippines, registered voter, able to read and write, least 40 years of age para sa Pangulo at Pangalawang Pangulo, resident of the Philippines for at least 10 years immediately preceding the election. Ganito rin ang qualifications sa Senator, Representatives,Governors,vice-Governor, Sangguniang Panglungsod, mayor, vice-mayor,city councils.. Wala sa qualifications kung may pera ka o wala…may partido ka o wala.. Anong nangyari sa COMELEC, lahat ng mga commissioner dito ay pawang mga abogado… Pero pagdating sa partylist representative, nakakalusot ang mga partylist na wala namang nire-represent na marginalized sector..Walang sentido-komon.
Nakasaad sa Catechism of the Catholic Church na “it’s the duty of citizens to contribute along with the civil authorities to the good of society in a spirit of truth, justice, solidarity, and freedom.”
Sinasabi naman sa Evangelii Gaudium na “public service, when it seeks the common good, is a “lofty vocation.”
Sumainyo ang Katotohanan.
