127,484 total views
Napakahaba na ng kasaysayan ng government corruption sa Pilipinas. Napakatibay ng ugat nito, ito ang napaka-panget na katotohanan sa pamamahala ng pamahalaan.
Nagsisimula ang corruption sa budget proposal pa lamang ng Department of Budget and Management sa kongreso, babawasan at dadagdagan ito ng Kongreso at lalagdaan itong batas ng pangulo ng Pilipinas.
Kapanalig, basta mayroong government project, government spending, government funding., otomatik, mayroong corruption. Dismulado, hindi ito napapansin…tinatawag itong SOP., yung kay Pedro ay kay Pedro.
Tinataya sa pag-aaral ng World Bank, International Monetary Fund at Asian Development Bank na 20-porsiyento sa national budget o General Appropriations Act na nagkakahalaga ng tumataginting na 1.2-trilyong piso ay napupunta sa katiwalian…nabubulsa ng mga opisyal ng gobyerno. Magkano naman kaya ang hatian?
Fiesta, sa June 30, 2025 opisyal na magsisimula sa kanilang 3-year term ang 12-nahalal na Senador, mga kongresista, partylist representatives at mga lokal na opisyal…Matapos gumastos sa nakalipas na 2025 midterm elections., oras naman ng koleksyon…Simula ito Kapanalig ng pakapalan ng bulsa. Common knowledge na, ang Senador, Congressmen, governors, mayors, barangay leaders, mga pinuno ng iba’t-ibang ahensiya ng pamahalaan., ay mayroong 10 hanggang 40-porsiyentong kickback…komisyon sa kabuuang halaga ng proyekto. Sinasabing tumataas ang presyo ng mga materyales sa mga proyekto ng pamahalaan… si congressmen, si governor, si mayor, si kapitan kasi nagtaas ng singil sa komisyon…
Sinasabi ng WB/ADB/IMF., malaki ang impact sa gross domestic product 1.2-trilyong pisong napunta sa bulsa ng mga pulitiko dahil ito ginamit sa operasyon, ito ay nakatago, naka-deposito. Kapag bawas ang gastos sa production at productivity,.. makakaapekto ito sa GDP. Sa pagtaya, lalago ng 2-porsiyento ang GDP ng Pilipinas kung nababawasan ang korapsyon sa pondo ng bayan. Sa resulta ng katatapos na midterm elections, mukhang hindi na naman tayo makakaahon… Sa palagay mo Kapanalig, lalo pa kaya tayong mababaon sa katiwalian?
Kapanalig, hindi lamang sa pagboto natatapos ang ating sovereign right, tungkulin pa rin natin na bantayan ang ginagawa ng ating mga inihalal sa puwesto., bantayan natin kung paano nila ginagastos ang ating buwis., ang kabangbayan.
Hindi matitigil, hindi mapipigil ang katiwalian sa pamahalaan kung nakamasid lamang tayo Kapanalig. Idulog niyo sa Radio Veritas ang maling ginagawa ng mga opisyal ng pamahalaan. Sa atin ang simula ng pagbabago.
Itinuturo ng Compendium of the Social Doctrine of the Church No. 411, ang political corruption ay, “compromises the correct functioning of the State, having a negative influence on the relationship between those who govern and the governed. It causes a growing distrust with respect to public institutions, bringing about a progressive disaffection in the citizens with regard to politics and its representatives, with a resulting weakening of institutions” .
Sinasabi naman ni St.John Paul II na ang corruption ay lumilikha ng ““structure of sin at offends justice on a monumental scale”.
Sumainyo ang Katotohanan.
