Sa sugal walang nanalo.., walang yumayaman., sa sugal, ang sugarol ay laging talo.
Dahil sa pagkagumon sa sugal, marami nang Pilipino ang nasira ang kinabukasan., nasira ang pamilya., dahil sa sugal, tumataas ang kaso ng krimen, tumataas din ang antas ng kahirapan. Ang adik sa sugal, gagawa ng kahit anong paraan maging ito ay iligal, magkaroon lamang ng pantaya.
Maraming uri ng sugal na iligal sa batas, tulad ng sabong, jueteng, masio, last two, jai alai, horse racing kabilang na ang bookie operations, game fixing, numbers, bingo…ang nakakalungkot lang Kapanalig, kung mayroong iligal na sugal, marami namang sugal ang legal, na mismong pinamamahalaan ng PSCO at PAGCOR. Di ba Kapanalig, kung bawal ang sugal., lahat dapat ay bawal? Gustong alisin ng pamahalaan ang jueteng., pinalitan naman ito ng lotto.,kung iligal ang bingo sa mga kalsada, legal naman ito sa mga casino.
Ang dating pangulong Joseph Estrada ay na-impeach dahil tumanggap ito ng jueteng payola., inimbestigahan sa Senado ang jueteng operations ng mga Pineda na sinasabing protector ang mga lokal na opisyal at opisyal ng PNP., pero hindi napatunayan na jueteng lords ang mag-asawa, hindi rin natukoy ang kanilang kasabwat na opisyal ng pamahalaan at PNP.
Dahil sa COVID 19 pandemic, namayagpag ang online sabong, dumami ang naging adik sa sugal. Marami ding sabong operators ang naging biktima ng kidnapping at summary execution. Sumikat din ang Philippine Offshore Gaming Operations(POGO) kung saan sumikat ang Chinese national si Alice Guo, mga kaalyado ng dating pangulong Rodrigo Duterte tulad ni dating Presidential spokesman na si Harry Roque na wanted sa batas.Ipinagbawal ng pamahalaan ang POGO, dahil naging ugat ito ng iba’t-ibang krimen, drug trafficking, human trafficking, prostitusyon..bawal ang online gaming?
Pero ikinaalarma ni Pablo Virgilio Cardinal David, ang Obispo ng Diyosesis ng Kalookan ang pamamayagpag ng online gaming., gamit ang e-wallet, walang kahirap-hirap na makapasok ang isang sugarol sa gambling sites at mga apps. Kapanalig gamit ang e-wallet, madali lang maa-access ng sinuman ang libo-libong uri ng sugal na naka-link sa app. Maging ang Kongreso, naalarma sa dumaraming Pilipino na nalululong sa online gambling.
Nakakatakot ang accessibility ng online gaming sa e-wallet, peligro ito sa mga mahihirap na Pilipino Kapanalig, isusugal nila ang pinaghirapan sa hangarin na lumaki pa ito.
Kung gaano kadali ma-access ang mga gambling platforms sa e-wallet., ang gagawin ng e-wallet users, magload., magtop-up kung magkanong halaga ang gagamitin sa sugal., Kapag, wala ka nang pangload., nagbibigay din ang gambling platforms ng loans., puwede kang mag-loan… Nakakalungkot Kapanalig, hindi ka lang magiging gambling addict., ibabaon ka pa sa utang?
Bakit hindi ipinagbabawal ng Bangko Sentral ng Pilipinas ang anumang uri ng electronic payment system at gamitin sa online gambling ang e-wallets? Dapat kumilos din ang PAGCOR at Games and Amusement Board (GAB) para kanselahin ang lisensiya ng mga online gambling operator na sangkot dito.
Hindi itinuturing sa Catechism No.2404, na ang gambling o “game of chance” na, not intrinsically evil. However, a person may only engage in these activities with a strict adherence to virtue.Sinasabi ng Catechism of the Catholic Church na ang “Games of chance [or gambling]… become morally unacceptable when they deprive someone of what is necessary to provide for his needs and those of others.”
Ipinapaalala din ng Kapanalig ng Proverbs 22:7 “The rich rule over the poor, and the borrower is slave to the lender.”
Sumainyo ang Katotohanan.
