126,650 total views
Sa pagsisimula ng 20th Congress, muli na namang isinulong sa Mababa at Mataas na Kapulungan ng Kongreso ang divorce bill.
Kailangan ba talaga ng mga Pilipino ang divorce law? Bakit sa tuwing may bagong Kongreso, nag-uunahan ang mga mambabatas sa paghahain muli ng panukalang diborsiyo?
Sa panig ng simbahang katolika bagama’t tutol ito sa divorce law na wawasak lamang sa kasagraduhan ng kasal at pamilya., hinihimok nito ang mga Pilipino na sama-samang pagnilayan at pagpasyahan kung kailangan ba o hindi ang divorce law sa Pilipinas. Tanging ang Pilipinas at Vatican city na lamang Kapanalig, ang mga bansang walang batas sa diborsiyo.
Binigyan-diin sa pastoral statement ng Catholic Bishop Conference of the Philippines (CBCP) matapos ang ika-128 plenary assembly, “The Church is in no position to dictate on the state what is best for Filipino families”. Ang panawagan ng CBCP sa mga mambabatas at mga Pilipino na, bago makisawsaw sa bandwagon ay tanungin ang sarili base sa mga pag-aaral at statistika kung ang legalisasyon ng diborsiyo sa buong mundo ay tunay na nakakatulong sa pagprotekta ng common good at kapakanan ng isang pamilya? Uulitin natin Kapanalig, “maghunos-dili, at mag-isip-isip muna tayong mga Pilipino sa usapin ng divorce!
Ang sabi ng simbahan., isipin mo muna kung ano ang nangyari sa iyong pamilya kung mayroon ng diovrce law nang dumaranas ang iyong mga magulang ng matinding problema sa kanilang relasyong mag-asa? Isipin mo ang hirap na maaring pagdaanan ng iyong pamilya kung nagpasya ang iyong mga magulang na mag-divorce sa halip na ayusin ang hindi pagkakasundo?
Sa mga nagsusulong ng divorce bill sa 20th Congress, gamitin niyo ang inyong sintido-kumon…ika nga “read between the lines”. Itigil na ang hangarin na maging legal ang diborsiyo sa Pilipinas., sa halip na gastusin ang kaban ng bayan sa walang katuturang panukalaMismong si PBBM ay walang interes sa divorce law.
Sa mga naglalaway sa divorce legalization, mas nanaisin daw ni PBBM na magkaayos pa rin ang samahan ng mga mag-aasawa kaysa humantong sa hiwalayan. Nais ng pangulo ng Pilipinas na paigtingin at patatagin pa ang pagsasama ng mag-asawa. Palawigin pa natin na mas maresolba ng bawat mag-asawa kanilang problema upang maayos ang pamilya., hindi lang para sa mag-asawa kundi sa kanilang mga anak.
Your honors, ito ang malinaw…kapag nakita ng pangulo na umaayon ang mga simbahan na dapat, ito ay nararapat, walang kuwestyon sa go signal.
Kapanalig, dapat nating isabuhay ang Hebrews 13:4 “Marriage is honourable in all, and the bed undefiled: but whoremongers and adulterers God will judge.”
Kapanalig, ating tandaan, walang naidudulot na mabuti sa pamilya., sa mga anak ang paghihiwalay ng mag-asawa. Ang paghihiwalay ng mag-asawa ay nagbubunsod ng matinding trauma sa mga anak. Ang tumatalikod sa kasagraduhan ng kasal, ay walang matibay na commitment.
Sumainyo ang Katotohanan.
