41,660 total reads
Nanawagan si Catholic Bishops Conference of Philippjnes (CBCP) President at Kalookan Bishop Pablo Virgilio Cardinal David ng pananagutan at transparency sa gitna ng isyu ng katiwalian sa mga flood-control projects ng pamahalaan.
Sa kanyang pahayag na “Beyond Survival: Rising Above the Floods of Corruption”, sinabi ni Cardinal David na ang tunay na pagbabago ay hindi nakukuha sa paninisi sa mahihirap kundi sa mabilis na imbestigasyon, malinaw na parusa, at bukas na pamahalaan.
Binigyang-diin ng Cardinal na dapat magsimula ang pagbabago sa bawat isa, sa pagtanggi sa katiwalian, pagbabaluktot sa batas, at paggamit ng padrino system.
“The real reset begins not with blaming the poor, but with demanding visible accountability at the top. Quick audits, real penalties, transparency people can actually see. But also, change begins with us. Every time we excuse cutting corners, bending rules, or abusing padrino connections, we reinforce the same mental model that allows billion-peso theft to masquerade as politics,” ayon sa pahayag ni Cardinal David.
Giit pa ng pastol ng simbahan, walang maliit o malaking katiwalian dahil parehong mali at hindi dapat palampasin.
Nanawagan din ang Cardinal sa mga kabataan na gamitin ang teknolohiya upang isulong ang katotohanan at labanan ang kasinungalingan, kawalan ng katarungan, at katiwalian sa gobyerno.
“To young Filipinos especially: you hold the keys. You live in the digital space where truth and lies battle daily. Use your platforms not just for outrage but for vigilance. Expose injustice, share facts, demand reforms. Make corruption shameful again,” giit pa ng Cardinal.
Dagdag pa ni Cardinal David, mas nakakasama ang “pagbaha” ng katiwalian kaysa sa mismong baha dahil ito’y unti-unting lumulunod sa kinabukasan ng lipunan. Aniya, hindi dapat maging pundasyon ng bansa ang katiwalian kundi ang katarungan at kabutihan para sa lahat.
“If floodwaters rise because public funds are stolen, the greater flood is the corruption that drowns our future. We cannot build a nation on foundations of systemic corruption. We can only rebuild it on social justice and the resolve to work together for the common good,” ayon kay Cardinal David.
Samantala, nagsimula na ang imbestigasyon ng Senado at Kamara kaugnay ng alegasyon ng katiwalian sa mga flood-control projects upang papanagutin ang mga sangkot at maprotektahan ang kaban ng bayan.
